ކެންދޫއިން އެއްދުވަހެއްގައި 32 ފަހަރު ކަރަންޓު ކެނޑިފައިވޭ، މައްސަލައަށް ދާއިމީ ހައްލެއް ލިބޭނެ ދުވަހެއް ނޭނގޭ
މެންބަރު މައުރޫފް ވިދާޅުވީ ކެންދޫގެ އިންޖީނުގެ ހުންނަނީ އަވަށުގެ ތެރޭގައި ކަމަށާއި، އެމްޑީޕީ ސަރުކާރުގައި އައު އިންޖީނުގެއާއި އޮފީސް އިމާރާތް އަޅައި ނިންމާފައިވާ ކަމަށް. އަދި ވިދާޅުވީ މިހާރު ކުރަން ހުރި މަސައްކަތްތަކަކީ ވަރަށް ކުދި ކުދި މަސައްކަތް ކަމަށާއި، ނަމަވެސް މިސަރުކާރަށް ދެ އަހަރަށް ވުރެ ގިނަ ދުވަސް ވެގެން ދިޔައިރު އިންޖީނުގެ އައު އިމާރާތަށް ބަދަލުކޮށް ނުލެވުނު ކަމަށް.
ބ.ކެންދޫ، ތަރައްގީގެ ގިނަ މަޝްރޫއުތައް ވަނީ ހުއްޓިފައި. | ގެސްޓް ހައުސް އޮފް މޯލްޑިވްސް
ބ.ކެންދޫއިން ކަރަންޓު ކެނޑޭ މައްސަލަ ވަރަށް ބޮޑު ކަމަށާއި، އެމައްސަލަ ހައްލު ކުރުމަށް ސަރުކާރުން މަސައްކަތް ނުކުރާ ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު މައުރޫފް ޒާކިރު ވިދާޅުވެއްޖެ އެވެ.
ރާއްޖެޓީވީގެ ވައުދުނާމާ ޕްރޮގްރާމްގައި މެންބަރު މައުރޫފް ވިދާޅުވީ ކެންދޫގެ އިންޖީނުގެ ހުންނަނީ އަވަށުގެ ތެރޭގައި ކަމަށާއި، އެމްޑީޕީ ސަރުކާރުގައި އައު އިންޖީނުގެއާއި އޮފީސް އިމާރާތް އަޅައި ނިންމާފައިވާ ކަމަށެވެ. މިހާރު ކުރަން ހުރި މަސައްކަތްތަކަކީ ވަރަށް ކުދި ކުދި މަސައްކަތް ކަމަށާއި، ނަމަވެސް މިސަރުކާރަށް ދެ އަހަރަށް ވުރެ ގިނަ ދުވަސް ވެގެން ދިޔައިރު އިންޖީނުގެ އައު އިމާރާތަށް ބަދަލުކޮށް ނުލެވުނު ކަމަށެވެ. އަދި ރަށު ތެރޭގައި އިންޖީނުގެ ހުރުމުން އެކަމުގެ ދަތިތައް ކޮންމެ ދުވަހަކު ރައްޔިތުންނަށް ކުރިމަތިވާ ކަމަށް އޭނާ ވިދާޅުވި އެވެ.
ކެންދޫއިން ކަރަންޓު ކެނޑޭ މައްސަލަ ވަރަށް ބޮޑުކަން ފާހަގަކުރައްވައި މެންބަރު މައުރޫފް ވިދާޅުވީ އެއް ދުވަހެއްގައި އެރަށުން 32 ފަހަރު ކަރަންޓު ކެނޑުނު ކަމުގެ މައުލޫމާތު ލިބުނު ކަމަށާއި، އެކަމުގެ ސަބަބުން އިލެކްޓްރޯނިކް ގިނަ އާލަތްތައް ހަލާކުވެ، ރައްޔިތުންނަށް ބޮޑު ގެއްލުމެއް ލިބުނު ކަމަށެވެ. މިހާރު ރައްޔިތުން ދިރިއުޅުމުން ދަނީ ކަރަންޓު ކޮންމެ ވަގުތެއްގައި ވެސް ކެނޑިދާނެ ކަމުގެ ބިރުވެރިކަމެއްގެ ތެރޭގައި ކަމަށް އޭނާ ވިދާޅުވި އެވެ.
މެންބަރު މައުރޫފް ވިދާޅުވީ ރައީސް މުއިއްޒު ވެރިކަމުގެ ހުވާ ކުރެއްވުމަށްފަހު އައި ފުރަތަމަ ރަމަޟާން މަހުގެ ތެރޭގައި ކަރަންޓުގެ މައްސަލަ ބޮޑުވުމާ ގުޅިގެން ދެންނަ އަންނަ ރަމަޟާން މަހެއްގައި މުޅި ރާއްޖޭގެ ހުރިހާ ރަށަކުން ކަރަންޓުގެ މައްސަލަ ހައްލު ކޮށްދޭނެ ކަމަށް އެމަނިކުފާނު ވިދާޅުވި ކަމަށެވެ. ނަމަވެސް ކަރަންޓުގެ ޚިދުމަތް ޔަގީން ކުރުމަށް، ނުވަތަ ކެޕޭސިޓީ އިތުރު ކުރުމަށް އެއްވެސް މަސައްކަތެއް ނުކުރާ ކަމަށް އޭނާ ވިދާޅުވި އެވެ.
އަދިއަދަށް ދާން ދެން ވެސް ކެންދޫގެ ކަރަންޓުގެ މައްސަލަ ހައްލެއް ނުކުރޭ. އެއްދުވަހު މިދޭތެރެއިން ދިޔަ އަޅުގަނޑު ދުށިން ޚަބަރެއްގައި ޖަހާފައި އޮއްވާ ބައްތިރީސް ފަހަރު ކަރަންޓު ކެނޑުނު ވާހަކަ އެއް ދުވަހެއްގައި. މީގެ ސަބަބުން ހިފާ ގެންގުޅޭ އެތައް އިލެކްޓްރޯނިކް އައިޓަމްއެއް ވަނީ ހަލާކުވެފަ. މިއީ ކެންދޫގެ ހާލަތު.ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު މައުރޫފް ޒާކިރު
ކެންދޫގެ އިތުރުން، ރާއްޖޭގެ އެހެން ރަށްތަކުން ވެސް ކަރަންޓު ކެނޑޭ މައްސަލަ ބޮޑެވެ. މިފަހުން މުޅި އައްޑޫ ސިޓީން ވެސް ވަނީ ކަރަންޓު ކެނޑިފަ އެވެ.
