މުޅި އައްޑޫ ސިޓީން ކަރަންޓު ކެނޑިއްޖެ
11 ފެބުރުއަރީ 2026 | ބުދަ 06:48އައްޑޫގެ މޭޔަރު ނިޒާރު ވިދާޅުވީ ބުދަ ދުވަހުގެ ހެނދުނު ގާތްގަނޑަކަށް 11:00 ހާއިރު ކަރަންޓުގެ ޚިދުމަތް ކެނޑިފައިވާ ކަމަށް. މި މައްސަލަ ދިމާވާން މެދުވެރިވި ސަބަބު އަދި ދެނެގަނެވިފައި ނުވާ ކަމަށާއި، ޚިދުމަތް އަލުން އިއާދަކުރެވޭނެ ވަގުތެއްވެސް އަދި ނޭނގޭ ކަމަށް މޭޔަރު ވިދާޅުވި.
އައްޑޫ ސިޓީ - އައްޑޫ ސިޓީއަށް ދިމާވެފައިވާ ކަރަންޓު ކެނޑުމުގެ މައްސަލައަކީ އެ ސިޓީގެ ރައްޔިތުންގެ ވަރަށް ބޮޑު ކަންބޮޑުވުމެއް | ރާއްޖެއެމްވީ
މުޅި އައްޑޫ ސިޓީން ކަރަންޓު ކެނޑިއްޖެ އެވެ.
އައްޑޫ ސިޓީގެ މޭޔަރު އަލީ ނިޒާރު "ރާއްޖެއެމްވީ" އަށް މައުލޫމާތު ދެއްވަމުން ވިދާޅުވީ، ބުދަ ދުވަހުގެ ހެނދުނު ގާތްގަނޑަކަށް 11:00 ހާއިރު އައްޑޫ ސިޓީން ކަރަންޓުގެ ޚިދުމަތް މެދުކެނޑިފައިވާ ކަމަށެވެ. މި މައްސަލަ ދިމާވާން މެދުވެރިވި ސަބަބު އަދި ދެނެގަނެވިފައި ނުވާ ކަމަށާއި، ޚިދުމަތް އަލުން އިއާދަކުރެވޭނެ ވަގުތެއްވެސް އަދި ނޭނގޭ ކަމަށް މޭޔަރު ވިދާޅުވި އެވެ.
ނިޒާރު ފާހަގަކުރެއްވި ގޮތުގައި، އައްޑޫ ސިޓީގެ ރައްޔިތުން މިހާރު ތިބީ ކޮންމެ ވަގުތެއްގައިވެސް ކަރަންޓު ކެނޑިދާނެކަމުގެ ބިރުވެރި ކަމެއްގެ ތެރޭގަ އެވެ. މި މައްސަލައަށް ދާއިމީ ހައްލެއް ލިބެންޖެހޭ ކަމަށް ފާހަގަކުރައްވަމުން އޭނާ ވިދާޅުވީ، ކަރަންޓުގެ މައްސަލައިގެ ސަބަބުން ރައްޔިތުންގެ އާންމު ދިރިއުޅުމަށް ބޮޑެތި އަސަރުތަކެއް ކުރާ ކަމަށެވެ.
އައްޑޫ ސިޓީއަށް ދިމާވެފައިވާ ކަރަންޓު ކެނޑުމުގެ މައްސަލައަކީ އެ ސިޓީގެ ރައްޔިތުންގެ ވަރަށް ބޮޑު ކަންބޮޑުވުމެކެވެ. މި ސަރުކާރަށް ދެ އަހަރަށްވުރެ ގިނަ ދުވަސް ވެގެންދިޔައިރުވެސް މިކަމަށް ދާއިމީ ހައްލެއް ލިބިފައިނުވާކަމާއި، ކުރީގެ ސަރުކާރުން ފަށާފައިވާ މަޝްރޫއުތައް ހުއްޓާލާފައިވާ ކަމަށް ބުނެ ރައްޔިތުން ދަނީ ކަންބޮޑުވުން ފާޅުކުރަމުންނެވެ.
އައްޑޫ ސިޓީގެ ކަރަންޓުގެ މައްސަލައަށް ދާއިމީ ހައްލެއް ހޯދައިދިނުމަށް ސަރުކާރުން އެދެވޭ މަސައްކަތްތަކެއް ކުރަމުން ނުދާ ކަމަށާއި، ކަރަންޓުގެ ޚިދުމަތަށް މައްސަލައެއް ދިމާވާ ކޮންމެ ފަހަރަކު އެހެން ތަނަކުން ބޭނުންކޮށްފައިވާ ޖަނަރޭޓަރެއް ގެނެސް ވަގުތީ ހައްލެއް ހޯދުމަށް މަސައްކަތް ކުރާތީ އެ ސިޓީގެ ރައްޔިތުން ދަނީ ކަންބޮޑުވުން ފާޅުކުރަމުންނެވެ.
މިދިޔަ އަހަރުގެ ފަހުކޮޅު ވެސް ކަރަންޓުގެ މައްސަލަ ދިމާވެ، ކެޕޭސިޓީ ނުހިފެހެއްޓޭތީ ވަކި ވަގުތުތަކެއްގައި ބައެއް ސަރަހައްދުތަކުން ކަރަންޓު ކަނޑާފައިވެ އެވެ.
