ކެންޑިޑޭޓުންނާ އެކު ރައީސް ސޯލިޙް ފޯކައިދޫގައި ދޮރުން ދޮރަަށް
ށ. ފޯކައިދޫ ކައުންސިލާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގައި އެމްޑީޕީގެ ޓިކެޓުގައި ވާދަކުރާ ކެންޑިޑޭޓުންނަށް ތާއީދު ހޯއްދެވުމަށް ރައީސް އިބްރާހިމް މުހައްމަދު ސޯލިޙް އެ ރަށުގެ ގެތަކަށް ވަނީ ޒިޔާރާތްކުރައްވާފައި. މި ހަރަކާތުގައި ރަށުގެ ތަރައްގީއަށް އެމްޑީޕީގެ ކައުންސިލެއް އޮތުމުގެ މުހިންމުކަން ރައީސް ފާހަގަކުރެއްވިއިރު، ރަށުގެ ތަރައްގީ މަޑުޖެހިފައިވާތީ ރައްޔިތުން ވަނީ ކަންބޮޑުވުން ފާޅުކޮށްފަ. މީގެ އިތުރުން މި ދަތުރުފުޅުގައި އެ ރަށުގެ އާ ވޮލީ ކޯޓާއި ކެމްޕޭން ޖަގަހަ ހުޅުއްވައިދެއްވައި، ހާއްސަ ޖަލްސާއެއްގައިވެސް އެމަނިކުފާނު ބައިވެރިވެވަޑައިގެންނެވި.
ރައީސް ސޯލިޙް ށ. ފޯކައިދޫގައި ދޮރުން ދޮރަށް ހަރަކާތުގައި އާންމުންނާއެކު | ރާއްޖެ އެމްވީ
ކުރިއަށް އޮތް ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް އެމްޑީޕީ ގެ ޓިކެޓުގައި ވާދަކުރާ ށ. ފޯކައިދޫގެ ކެންޑިޑޭޓުންނާ އެކު ރައީސް އިބްރާހިމް މުހައްމަދު ސޯލިޙް ދޮރުން ދޮރަށް ހިންގަވައިފި އެވެ.
އާދީއްތަ ދުވަހުގެ ހެނދުނު އެމަނިކުފާނު ވަނީ އެމްޑީޕީގެ ޓިކެޓުގައި ކައުންސިލަށް ވާދަކުރާ 5 ކެންޑިޑޭޓުންނާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ 5 މެންބަރުންނާ އެކު ފޯކައިދޫގެ ގެތަކަށް ޒިޔާރާތް ކުރައްވާފަ އެވެ. މި ހަރަކާތުގައި ކެންޑިޑޭޓުންނަށް ތާއީދު ހޯދުމާއި އެމްޑީޕީގެ ކެންޑިޑޭޓުން ހޮވަންޖެހޭ ސަބަބުތައް އެމަނިކުފާނު ހިއްސާ ކުރެއްވި އެވެ.
އެގޮތުން މިހާރުވެސް އެމްޑީޕީ ކައުންސިލެއް އޮވެ ރަށަށް ގެނެސްދޭ ތަރައްގީ ކުރިއަށް އޮތްތަނުގައި ވެސް ގެނައުމާއި، މައި ސަރުކާރު ޖަވާބުދާރީކޮށް ރައްޔިތުންގެ ފަރާތުން ވަކާލާތު ކުރާނެ ކައުންސިލެއް އޮތުމުގެ މުހިންމުކަން އެމަނިކުފާނު ފާހަގަކުރެއްވި އެވެ.
ގެތަކަށް އެމަނިކުފާނު ވަޑައިގަތުމުން ރައްޔިތުންގެ ފަރާތުން ވަނީ އެމްޑީޕީ ގެ ކެންޑިޑޭޓުން ހޮވަން ވޯޓު ދޭނެ ކަމުގެ ޔަގީންކަން އަރުވާފަ އެވެ. ރައްޔިތުންގެ ފަރާތުން އައި މައިގަނޑު ޝަކުވާއަކަށްވީ ސަރުކާރު ބަދަލުވި ގޮތަށް ރަށުގެ ތަރައްގީ ހުއްޓިފައި އޮތުމާއި، އިގްތިސާދީ ހަރަކާތްތައް ހުއްޓިފައި އޮތުމެވެ. މީގެ އިތުރުން ބާކީ ކޮށްލާފައި އޮތްކަމުގެ އިހުސާސް އަލުން ވާން ފެށުމާއި ސަރުކާރުން އަޅާނުލުން ކަމަށް ރައްޔިތުން ޝަކުވާ ކޮށްފައިވެ އެވެ.
ރައީސްގެ މި ދަތުރުފުޅަކީ ފޯކައިދޫ ކައުންސިލްގެ ދައުވަތަކަށް އެމަނިކުފާނު ކުރައްވާ ދަތުރުފުޅެކެވެ. މި ދަތުރުފުޅުގައި އެމަނިކުފާނު ވަނީ ކައުންސިލުން ތަރައްގީ ކުރި ވޮލީ ކޯޓު ހުޅުވައިދެއްވާފަ އެވެ. މީގެ އިތުރުން ކައުންސިލް އިންތިހާބުގެ ކެމްޕޭނުގައި ބޭނުން ކުރާ “ނު ބަހާރު ޖަގަހަ” ހުޅުވައިދެއްވި އެވެ. މީގެ އިތުރުން “ހޭވައްލާތައްޔާރު، ނޫ ބަހާރަކަށް ށ. ފޯކައިދޫ” ބޮޑު ޖަލްސާ އެމަނިކުފާނު ޝަރަފުވެރިކޮށްދެއްވި އެވެ.
