އިންޓަރ މިލާން ވަރުގަދަ ވާނެ، މެޗު އުނދަގޫ ވާާނެ: އާޓެޓާ

ޔުއެފާ ޗެމްޕިއަންސް ލީގުގައި އިންޓަރ މިލާާންއާ ދެކޮޅަށް ނިކުންނައިރު، އެ ޓީމު ވަރުގަދަ ވާނެ ކަމަށާއި، އެ މެޗު އުނދަގޫ ވާނެ ކަމަށް އާސެނަލްގެ ކޯޗު މިކޭލް އާޓެޓާ ބުނެފި އެވެ. 

އިންޓަރ މިލާންގެ ދަނޑުގައި އެ ޓީމާ ދެކޮޅަށް ކުޅޭ މެޗުގެ ކުރިން އޮތް ނޫސްވެރިންގެ ބައްދަލުވުމުގައި ވާހަކަ ދައްކަމުން އާޓެޓާ ބުނީ، އިންޓަރ މިލާން ފެންނަނީ މިދިޔަ އަހަރަކޭ އެއްގޮތަށް، ވަރުގަދަ ޓީމެއްގެ ގޮތުގައި ކަމަށެވެ. ނަމަވެސް، މިހާރު ދެ ޓީމު ވެސް އޮތީ ތަފާތު ޙާލަތެއްގައިކަން ފާހަގަކޮށް އާޓެޓާ ބުނީ، އިންޓަރ މިލާންގެ ކޯޗު ވެސް ބަދަލުވެފައިވާ ކަމަށެވެ. 

އާޓެޓާ ބުނީ އައު ކޯޗާ އެކު އިންޓަރ މިލާން އަށް އިތުރު ފުރިހަމަ ކަމެއް އައިސްފައިވާކަން ފާހަގަވާއިރު، އެ ޓީމުގެ ފެންވަރު ވެސް ރަނގަޅު ވާނެ ކަމަށެވެ. އެ ޓީމުގެ ކުޅުމުގެ ވައްޓަފާޅި އަށް ވެސް ބަދަލު ތަކެއް އައިސްފައިވާކަން ފާހަގަކޮށް އާޓެޓާ ބުނީ، އެ މެޗު ވަރަށް ވާދަވެރި ވާނެ ކަމަށެވެ. އިންޓަރ މިލާން އިން އިޓާލިއަން ލީގުގައި ރަނގަޅު ކުޅުމެއް ދައްކަމުން އަންނަ ކަމަށާއި، އެއީ ޓަފް މެޗަކަށް ވާނެ ކަމަށް ވެސް އޭނާ ބުންޏެވެ.

މެޗާ ގުޅޭ ގޮތުން ވާހަކަ ދައްކަމުން އާޓެޓާ ބުނީ ކަމެއް ހާސިލު ކުރުމަށް މަސައްކަތް ކުރާއިރު، ޗެމްޕިއަންސް ލީގުގެ ކޮންމެ މެޗެއް ވެސް ވަރަށް މުހިންމު ވާނެ ކަމަށެވެ. އާސެނަލް އިން މިފަހަރު ނިކުންނަން ޖެހެނީ ވަރަށް ވަރުގަދަ އިދިކޮޅު ޓީމަކާ ދެކޮޅަށް ކަމަށާއި، އާސެނަލްގެ އަމާޒަކީ އެ މެޗުން ވެސް ތިން ޕޮއިންޓު ހޯދުން ކަމަށް އާޓެޓާ ބުންޏެވެ. އަދި އާސެނަލް އިން ކޮންމެ މެޗަކަށް ވެސް ތައްޔާރު ވަނީ މޮޅުވާން އަޒުމު ކަނޑައަޅައިގެން ކަމަށް އޭނާ ބުނެފައިވެ އެވެ.

މީގެ އިތުރުން އާޓެޓާ ބުނީ ކޮންމެ މެޗަކީ ތަފާތު މެޗަކަށް ވާއިރު، ކުޅުންތެރިންގެ ޙާލަތު ވެސް ވަރަށް ބޮޑަށް ތަފާތު ވާނެ ކަމަށެވެ. މެޗުގައި ކުޅޭނެ ކުޅުންތެރިން ކަނޑައެޅުމުގައި ކޮންމެ ވެސް ވަރެއްގެ ޖެހިލުމެއް އޮތްކަން ފާހަގަކޮށް އާޓެޓާ ބުނީ، އަބަދު ވެސް ކަންކަން ނަގަނީ ޕޮޒިޓިވްކޮށް ކަމަށެވެ. އެ މެޗަށް ފަހު، އަމިއްލަ ދަނޑުގައި މެންޗެސްޓަރ ޔުނައިޓެޑާ ދެކޮޅަށް ނިކުންނަން ޖެހޭއިރު، އޭގެ ކުރިން އާސެނަލް އަށް ރަނގަޅު ފުރުސަތެއް އޮތް ކަމަށް އާޓެޓާ ޤަބޫލު ކުރެ އެވެ.

އަންގާރަ ދުވަހުގެ ރޭ ދަންވަރު އިންޓަރ މިލާންއާ ދެކޮޅަށް ނިކުންނައިރު، މިފަހަރުގެ ޗެމްޕިއަންސް ލީގުގައި އެންމެ ރަނގަޅު ނަތީޖާއެއ މިހާތަނަށް ނެރެފައި ވަނީ އާސެނަލް އިންނެވެ. މިހާތަނަށް ކުޅެފައިވާ ހަ މެޗުން ވެސް މޮޅުވެ އާސެނަލް އެއް ވަަނައިގައި އޮތްއިރު، މިފަހަރުގެ ޗެމްޕިއަންސްް ލީގުގައި ބަލި ނުވެ އޮތް ހަމައެކަނި ޓީމަކީ އާސެނަލް އެވެ.