ގައުމުތަކުގެ އިސްތިގުލާލަށް އިހުތިރާމު ކުރުމަށް އދ ގެ ސެކްރެޓަރީ ޖެނެރަލް ގޮވާލައްވައިފި
ވެނެޒުއޭލާގެ މައްސަލައާ ގުޅިގެން އދ. ސަލާމަތީ މަޖިލީހުގެ ބައްދަލުވުމެއްގައި، އދ. ސެކްރެޓަރީ ޖެނެރަލްގެ ފަރާތުން އަންޑަރ ސެކްރެޓަރީ ޖެނެރަލް އިއްވެވި ބަޔާނުގައި ދައުލަތްތަކުގެ މިނިވަންކަމާއި، ސިޔާސީ މުސްތަޤިއްލު ކަމަށް ފުރިހަމަ އަށް އިޙްތިރާމް ކުރުމަށް ގައުމުތަކަށް ގޮވާލެއްވި.
އދ.ގެ ސެކްރެޓަރީ ޖެނެރަލް އެންޓޯނިއޯ ގުޓަރޭސް އެވެ. | އޭއެފްޕީ
އެމެރިކާއިން ވެނެޒުއޭލާގެ ރައީސް ނިކޮލަސް މަދޫރޯގެ ބާރުތަކުގެ މައްޗަށް އަރައިގަނެ، އެ ޤައުމުގެ ކަންކަމާ ހަވާލުވެފައިވާކަމަށް ބުނުމާ ގުޅިގެން، ދައުލަތްތަކުގެ ސިޔާސީ މިނިވަންކަމަށް އިޙްތިރާމް ކުރުމަށް އދ. ގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒް ހޯމަ ދުވަހު ގޮވާލައްވައިފި އެވެ.
ވެނެޒުއޭލާގެ މައްސަލައާ ގުޅޭގޮތުން ބޭއްވި އދ. ގެ ސަލާމަތީ މަޖިލީހުގެ ބައްދަލުވުމެއްގައި، ގުޓަރޭޒްގެ ފަރާތްޕުޅުން އަންޑަރ ސެކްރެޓަރީ ޖެނެރަލް ރޯޒްމަރީ ޑިކާލޯ އިއްވެވި ބަޔާނެއްގައި، ދައުލަތްތަކުގެ މިނިވަންކަމާއި، ސިޔާސީ މުސްތަޤިއްލުކަމާއި، އަދި ސަރަޙައްދީ ރައްކާތެރިކަމުގެ އުސޫލުތަކަށް ފުރިހަމަ އަށް އިޙްތިރާމް ކުރުމަށް ގައުމުތަކަށް ވަނީ ގޮވާލައްވާފަ އެވެ.
