ޓްރަމްޕާއި ޒެލެންސްކީއާ ދެމެދު ބޭއްވުނު މަޝްވަރާތަކުގައި ކީވްއަށް ސަލާމަތީ ގެރެންޓީތައް ދިނުމުގައި ކުރިއެރުމެއް ލިބުނު ނަމަވެސް ބިމުގެ މައްސަލައިގައި ދެފަރާތް އެއްބަސްވުމަކަށް ނާދެވުނު. ޒެލެންސްކީ ވިދާޅުވީ ޒަޕޮރިޒިއާ ނިއުކްލިއަރ މަރުކަޒާއި ޑޮންބާސް ސަރަހައްދުގެ މުސްތަގުބަލުގެ މައްސަލަ ހައްލުނުވެ އޮތް ކަމަށް.
ޔޫކްރެއިންގެ ރައީސް ވުލޮޑިމިއާ ޒެލެންސްކީ އާއި އެމެރިކާގެ ރައީސް ޑޮނަލްޑް ޓްރަމްޕް ފްލޮރިޑާގެ ޕާމް ބީޗްގެ މާ-އޭ-ލަގޯ ކްލަބުގައި ބޭއްވި މެންދުރުގެ ކެއުމަށް ފަހު އޮތް ނޫސްވެރިންގެ ބައްދަލުވުމެއްގައި - ޑިސެމްބަރު 28، 2025
އެމެރިކާގެ ރައީސް ޑޮނަލްޑް ޓްރަމްޕާއި ޔޫކްރެއިންގެ ރައީސް ވުލޮޑެމިއަރ ޒެލެންސްކީއާ ދެމެދު ބޭއްވުނު މަޝްވަރާތަކުން ޔޫކްރެއިނާއި ރަޝިޔާއާ ދެމެދު އޮތް ބިމުގެ މައްސަލަތަކަށް ކުރިއެރުމެއް ނުލިބި ނިމިއްޖެ އެވެ.
އެމެރިކާގެ ރައީސް ޑޮނަލްޑް ޓްރަމްޕާއި ޔޫކްރެއިނުގެ ލީޑަރު ވޮލޮޑިމިރް ޒެލެންސްކީއާ ދެމެދު ބޭއްވުނު ވާހަކަ ދެއްކުންތަކުގައި ކީވްއަށް ސަލާމަތީ ގެރެންޓީތައް ދިނުމުގައި ކޮންމެވެސް ވަރެއްގެ ކުރިއެރުމެއް ލިބުނު ނަމަވެސް، ސުލްހައިގެ އެއްބަސްވުމަކަށް ހުރަސް އަޅާ ބިމުގެ މައްސަލަތަކުގައި ޔޫކްރެއިނާއި ރަޝިޔާއާ ދެފަރާތް އެއްބަސްވުމަކާ ވަރަށް ދުރުގައި ތިބިކަން ފާހަގަކުރެވިފައިވާކަން ރިޕޯޓްތައް ބުނެ އެވެ.
ޔޫކްރެއިނުގެ ރައީސާ އެކު އާދީއްތަ ދުވަހު ބޭއްވި މަޝްވަރާތަކަށްފަހު ޓްރަމްޕް ވިދާޅުވީ، ރަޝިޔާއިން ޔޫކްރެއިންގައި ކުރަމުންދާ ހަނގުރާމަ ނިމުމަކަށް ގެނައުމަށް އެއްބަސްވުމަކާ "ވަރަށް ގާތަށް، ފަހަރެއްގައި ވަރަށް ބޮޑަށް ގާތަށް" ދެފަރާތައް އާދެވިފައިވާ ކަމަށާއި ނަމަވެސް "އުނދަގޫ ގޮންޖެހުންތައް" އަދިވެސް ހުރި ކަމަށެވެ.
ޒެލެންސްކީ ވިދާޅުވީ، 20 ނުކުތާގެ ސުލްހައިގެ ހުށަހެޅުމެއްގައި ހިމެނޭ މުހިންމު ދެ މައްސަލައެއް ހައްލުނުވެ އެބައޮތް ކަމަށެވެ. އެއީ ރަޝިޔާގެ ބާރުގެ ދަށުގައިވާ ޔޫކްރެއިނުގެ ޒަޕޮރިޒިއާ ނިއުކްލިއަރ ހަކަތަ އުފައްދާ މަރުކަޒުގެ ކޮންޓްރޯލް އާއި އިރުމަތީ ޔޫކްރެއިނުގެ ޑޮންބާސް ސަރަހައްދުގެ މުސްތަގުބަލެވެ.
ޒެލެންސްކީ ނޫސްވެރިންނަށް ވިދާޅުވީ، "ދެ ސުވާލެއް އެބަ އޮތް: ސްޓޭޝަން – އެ ސްޓޭޝަން ހިންގާނީ ކިހިނެއް؟ – އަދި ސަރަހައްދު،" އެވެ.
ބިމުގެ މައްސަލައިގައި ކީވްއާއި މޮސްކޯއާ ދެމެދު ވަރަށް ބޮޑެތި ތަފާތުތައް ހުރިކަން ފާހަގަކޮށް، ކްރެމްލިންގެ ތަރުޖަމާނު ދިމިތްރީ ޕެސްކޮވް ވިދާޅުވީ، ޑޮންބާސްގެ ކުޑަ ބައެއް ޔޫކްރެއިނުން އަދިވެސް ކޮންޓްރޯލް ކުރާއިރު، އެ ސަރަހައްދުން ޔޫކްރެއިނުގެ ސިފައިން ފޭބުން ކޮންމެހެން މުހިންމު ކަމަށާއި އަދި އެއްބަސްވުމަކަށް ނާދެވިއްޖެ ނަމަ ޔޫކްރެއިނަށް އިތުރު ބިން ގެއްލޭނެ ކަމަށެވެ.
ޕެސްކޮވް ވިދާޅުވީ، "އަޅުގަނޑުމެން މިދައްކަނީ ޑޮންބާސްއިން [ޔޫކްރެއިން] ސަރުކާރުގެ ހަތިޔާރު އެޅި ފަރާތްތައް ފޭބުމުގެ ވާހަކަ،" ކަމަށެވެ.
ޓްރަމްޕާއި ރަޝިޔާގެ ރައީސް ވްލަޑިމިރް ޕޫޓިންއާ ދެމެދު ފޯނުން މަޝްވަރާ ކުރައްވާނެ ކަމަށް ޓްރަމްޕް ވިދާޅުވި ނަމަވެސް، ގުޅުއްވާނެ ވަގުތެއް ވިދާޅެއް ނުވެއެވެ.
