އިންޑިއާގެ ބިލިއަނަރު އަމްބާނީ ފުޓްބޯޅަ ތަރި ލިއޮނަލް މެސީ އަށް އޭނާ އިންޑިއާ އަށް ކުރި ދަތުރުގައި 1.3 މިލިއަން ޑޮލަރު އަގުހުރި ރިޗާޑް މިލް ގަޑިއެއް ހަދިޔާ ކޮށްފައިވެއެވެ.
ލިއޮނަލް މެސީ 1.3 މިލިއަން ޑޮލަރުގެ ލަގްޒަރީ ގަޑި އަޅައިގެން
އިންޑިއާ ގެ ބިލިއަނަރު އާނަންތު އަމްބާނީ، އާޖެންޓީނާގެ ފުޓްބޯޅަ ތަރި ލިއޮނަލް މެސީ އިންޑިއާ އަށް ކުރި ދަތުރުގައި ގާތްގަނޑަކަށް 1.3 މިލިއަން ޑޮލަރު އަގުހުރި ގަޑިއެއް ހަދިޔާ އަކަށް ދިން ކަމަށް ރިޕޯޓްތައް ބުނެފިއެވެ.
އިންޓަރ މިއާމީ އަށް ކުޅެމުން އަންނަ މެސީ އަށް ހަދިޔާ ކުރީ ރިޗާޑް މިލް RM 003-V2 GMT އޭޝިއަން އެޑިޝަން ގެ ގަޑިއެއް ކަމަށްވެ އެވެ.
ގާތްގަނޑަކަށް 1.3 މިލިއަން ޑޮލަރު އަގުހުރި މި ގަޑި، އަކީ ވަރަށް މަދުން އުފައްދާ ބާވަތެއްގެ ގަޑިއެކެވެ. އިނގިރޭސިވިލާތުގެ ނޫހެއް ކަމަށް ވާ ދަ ސަން އިން ބުނެފައިވަނީ މިހާތަނަށް އުފައްދާފައި ވަނީ މި ބާވަތުގެ އެންމެ 12 ގަޑި ކަމަށެވެ.
މެސީ މި ގަޑި އަޅައިގެން ހުރި ފޮޓޯތައް ސޯޝަލް މީޑިއާގައި ވަރަށް ބޮޑަށް ދައުރުވެފައިވާއިރު، ފުޓްބޯޅަ ތަރި މި ހަދިޔާ "ވަރަށް އުފަލާއެކު" ގަބޫލުކުރި ކަމަށް ރިޕޯޓްތަކުގައި ބުނެފައިވެ އެވެ.
ފުޓްބޯޅަ ކުޅުންތެރިޔާ އިންޑިއާ އަށް ކުރި ދަތުރު ގައި، ކަލްކަތާގެ ސޯލްޓް ލޭކް ސްޓޭޑިއަމް އަށް ޒިޔާރަތް ކޮށް ވިއްސަކަށް މިނެޓު އެތަނުގައި ހޭދަ ކުރުމަށް ފަހު ސްޓޭޑިއަމް ދޫކޮށް ދިއުމުން ސަޕޯޓަރުން ރުޅިގަދަވެ ދަނޑުގައި ހަމަނުޖެހުން އުފައްދާފައިވެއެވެ.
ސަޕޯޓަރުން ރުޅިގަދަވީ އިވެންޓު އިންތިޒާމު ކޮށްފައިވާލެއް ފީކަޅާ ކަމުން ކަމަށްވެއެވެ.
މެސީގެ އިންޑިއާ ދަތުރުގައި އިންޓަރ މިއާމީ ޓީމް ގައި ހިމެނޭ ލުއިސް ސުއަރޭޒް އަދި ރޮޑްރިގޯ ޑީ ޕޯލް ބައިވެރިވި އެވެ.
ދަތުރަށް ފަހު، މެސީ އިންސްޓަގްރާމް ގައި ކުރި ޕޯސްޓެއް ގައި އިންޑިއާ ދަތުރު ގައި ސަޕޯޓަރުން ކީ މަރުހަބާ އަށް ޝުކުރު އަދާކޮށްފައިވެ އެވެ.
