މަސްވެރިން ގެ އިހުތިޖާޖުން މީހުން ހައްޔަރު ކުރީ ބިރު ދައްކާ، ސަރުކާރު ގެ ދޯހަޅި ސިޔާސަތުތަކަށް ފާޑުކިޔާ މީހުން ގެ އަޑު ކަނޑުވާލުމަށް: އެމްޑީޕީ
12 ޑިސެމްބަރު 2025 | ހުކުރު 05:53ކެންދޫ ދާއިރާގެ މެމްބަރު މައުރޫފް ޒާކިރު ހައްޔަރުކުރީ ރައްޔިތުންގެ މަޖިލީހުގެ މެމްބަރުންނަށް ލިބޭ އިމްތިޔާޒުތަކާއި ޤާނޫނުއަސާސީއާ ވެސް ޚިލާފަށް ކަމަށް އެ ޕާޓީން ބުނެ ހައްޔަރު ކުރި އެންމެން ދޫކޮށްލުމަށް ވަނީ ގޮވާލާފައި.
އެމްޑީޕީ ގައުމީ މަޖިލީހުގެ ބައްދަލުވުމުގެ ތެރެއިން - 08.12.2025
މަސްވެރިން ގެ އިހުތިޖާޖުން މީހުން ހައްޔަރު ކުރީ ބިރު ދައްކާ، ސަރުކާރު ގެ ދޯހަޅި ސިޔާސަތުތަކަށް ފާޑުކިޔާ މީހުން ގެ އަޑު ކަނޑުވާލުމަށް ކަމަށް އެންމެ ބޮޑު އިދިކޮޅު ޕާޓީ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ބުނެފި އެވެ.
އެ ޕާޓީ އިން ނެރުނު ބަޔާނެއްގައި ބުނެފައި ވަނީ މަސްވެރިން ގެ ދުވަހާއި ގުޅުވައިގެން ދިވެހި މަސްވެރިން ގެ އިސްނެގުމު ގެ މަތިން މާލެ ސަރަހައްދުގައި ކަނޑުމަތީގައި ކުރިއަށް ގެންދިޔަ ސުލްހަވެރި އިހުތިޖާޖު ރޫޅާލީ ބާރުގެ ބޭނުންކޮށްގެން ކަމަށެވެ. މަސްވެރިން ގެ އިހުތިޖާޖަށް ހުރަސް އަޅާ ކެންދޫ ދައިރާ ގެ މެމްބަރު މައުރޫފް ޒާކިރު އާއި މަސްވެރިންތަކެއް ހައްޔަރު ކުރި ކުރުން އެމްޑީޕީ އިން ވަނީކުށްވެރިކޮށްފަ އެވެ.
އެ ޕާޓީ އިން ބުނީ މައުރޫފް ހައްޔަރު ކުރީ ރައްޔިތުން ގެ މަޖިލީހު ގެ މެމްބަރުންނަށް ލިބޭ އިމްތިޔާޒުތަކާއި ވެސް ޚިލާފަށް ކަމަށެވެ. ޚިޔާލުފާޅުކުރު މާއި އެއްވެ އުޅުމަކީ ޤާނޫނުއަސާސީ އިން ކަށަވަރުކޮށްދޭ ކަންކަމަށް ވާއިރު އެ އިހުތިޖާޖު ގެ ބައިވެރިން ހައްޔަރުކޮށްފައި ވަނީ ޤާނޫނުއަސާސީ އާއި ޚިލާފަށް ކަމަށް އެމްޑީޕީ އިން ވަނީ ބުނެފަ އެވެ.
އެ އިހުތިޖާޖުން ހައްޔަރުކުރި އެންމެން ދޫކޮށްލުމަށް އެ ޕާޓީ އިން ވަނީ ގޮވާލާފަ އެވެ. ސަރުކާރުން މަސްވެރިންނަށް ވީ ވައުދުތައް ނުފުއްދާތީ އެކަމަށް ވެސް އެ ޕާޓީ އިން ވަނީ ފާޑު ކިޔާފަ އެވެ. ދެކޮޅު ނުޖެހޭ ސިޔާސަތުތަކާއި ދެކޮޅަށް މަސްވެރިން ކުރަމުން ދިޔަ ސުލްހަވެރި މުޒާހަރާ އަށް ފުލުހުން ފޮނުވައިގެން އަމަލު ކުރި ގޮތަށް އެ ބަޔާނުގައި ފާޑު ކިޔާފައި ވެ އެވެ.
