އިންޑޮނީޝިއާ ގައި ފެންބޮޑުވެ، ބިންގަނޑު ކަނޑައިގެން ދިއުމުގެ ސަބަބުން 900ށް ވުރެ ގިނަ މީހުން މަރުވެއްޖެ
6 ޑިސެމްބަރު 2025 | ހޮނިހިރު 13:10އިންޑޮނީޝިއާގެ ސުމާތުރާ ރަށުގައި ހިނގި ބޮޑެތި ފެންބޮޑުވުމާއި ބިންހިލަމުން 900 އަށްވުރެ ގިނަ މީހުން މަރުވެ 410 މީހުން އަދިވެސް ގެއްލިފައިވާއިރު، 80،000 މީހުން އެހެން ސަރަހައްދުތަކަށް ބަދަލު ކުރަން ޖެހުނު.
މި އޭރިއަލް ފޮޓޯ އިން ފެންނަނީ ޖަކާޓާގެ މުއާރާ ބަރޫ ގައި ފެން ވޮޑުވެ އިމާރާތްތައް ފެނު އަޑީގައިވާ މަންޒަރު - ޑިސެމްބަރު 6، 2025.
އިންޑޮނީޝިއާ ގެ ސުމާތުރާ އަށް ކުރިމަތިވި ފެންބޮޑުވުންތަކާއި ބިންގަނޑު ކަނޑައިގެން ދިއުމުގެ ހާދިސާ ތަކުގައި 900 އަށްވުރެ ގިނަ މީހުން މަރުވެފައިވާކަން އެގައުމުގެ ކާރިސާ މެނޭޖްމަންޓް އޭޖެންސީން ހޮނިހިރު ދުވަހު ބުނެފިއެވެ.
މަރުވި މީހުންގެ އަދަދު 908 އަށް އަރާފައިވާއިރު، 410 މީހުން އަދިވެސް ގެއްލިފައިވާކަން ރިޕޯޓުކުރެވިފައިވެއެވެ. އޭގެ އިތުރުން އެތައް ހާސް ބަޔަކަށް އެކި ވަރުގެ އަނިޔާ ލިބިފައިވާ ކަމަށް އޮފިޝަލުން ހާމަ ކޮށްފައި ވެއެވެ.
އިންޑޮނީޝިއާ، މެލޭޝިއާ އަދި ތައިލެންޑުގެ ބޮޑެތި ސަރަހައްދުތަކަށް ހަފްތާއެއްހާ ދުވަހު ބާރުގަދަ ތޫފާނެއްގެ އަސަރު ކުރުމުގެ ސަބަބުން ބޯ ވާރޭ ވެހި ބޮޑެތި ގެއްލުންތަކެއް ލިބިފައި ވެއެވެ.
އިންޑޮނީޝިއާގެ އެންމެ ހުޅަނގުގެ ސަރަހައްދު ކަމަށްވާ ސުމާތުރާ ގެ ތިން ޕްރޮވިންސްއަކުން ގާތްގަނޑަކަށް 80،000 މީހުން ރައްކާތެރި ސަރަހައްދު ތަކަށް ވަނީ ބަދަލު ކޮށްފަ އެވެ.
އެހީ ފޯރުކޮށްދޭ ފަރާތްތަކުން ހެލިކޮޕްޓަރު ބޭނުންކޮށްގެން އެހީގެ ތަކެތި ފޯރުކޮށްދިނުމުގެ މަސައްކަތްތައް ކުރިއަށް ގެންގޮސްފައިވާއިރު، ބިންގަނޑު ކަނޑައިގެން ދިޔުމުގެ ސަބަބުން މަގުތައް ބެދި ކޮމިއުނިކޭޝަން އިންފްރާސްޓްރަކްޗަރ ހަލާކުވެ ސުމަތުރާ ވެފައިވަނީ ތޫފާނުގެ ގެއްލުން އެންމެ ބޮޑަށް ފޯރި ސަރަަަހައްދަށެވެ.
މަސްދަރު: އޭއެފްޕީ
