ކ. މާލެ
|
4 ނޮވެންބަރ 2025 | އަންގާރަ 12:34
މަޖްލިސް ޖަލްސާ އެއް ގައި ހަނިމާދޫ ދާއިރާގެ މެމްބަރު އަބްދުލް ޣަފޫރު މޫސާ ވާހަކަ ދައްކަވަނީ
މަޖިލިސް
ރައްޔިތުންގެ މަޖިލިސް
މި ސަރުކާރުން އަޅާ ފުލެޓުތައް ހުރީ ކަނޑުއަޑީގަ، ފެންނާނީ ޑައިވިިންގ ކޯހެއް ހަދައިގެން: މެންބަރު ޣަފޫރު
ސަރުކާރެއްގެ އެންމެ ބޮޑު މަސްއޫލިއްޔަތަކީ ރައްޔިތުންނަށް ބޯހިޔާވަހިކަން ކަށަވަރު ކޮށްދިނުން
2025 ވަނަ އަހަރަށް ލަފާކުރާ 55 ބިލިއަންގެ ބަޖެޓު ހުސްވަނީ އެންމެ ފްލެޓެއްގެ ބިންގާ ވެސް ނޭޅި
2,369
މި ސަރުކާރުން އަޅާ ފްލެޓުތައް ހުރި ކަމަށް ބެލެވެނީ ކަނޑު އަޑީގައި ކަމަށާ އެ ފްލެޓުތައް ފެންނާނީ ޑައިވިންގ ކޯހެއް ހަދައިގެން ކަމަށް ރައްޔިތުންގެ މަޖިލީހުގެ ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ވިދާޅުވެއްޖެ އެވެ.
އަންގާރަ ދުވަހުގެ ރައްޔިތުންގެ މަޖިލީހުގެ ޖަލްސާގައި ގެދޮރުވެރިޔާ ސްކީމާ ބޯހިޔާވަހިކަމާ ގުޅިގެން ކެންދޫ ދާއިރާގެ މެންބަރު މައުރޫފް ޒާކިރު ހުށަހެޅުއްވި ގަރާރަށް ބަހުސް ކުރައްވަމުން ޣަފޫރު ވިދާޅުވީ ސަރުކާރެއްގެ އެންމެ ބޮޑު މަސްއޫލިއްޔަތަކީ ރައްޔިތުންނަށް ބޯހިޔާވަހިކަން ކަށަވަރު ކޮށްދިނުން ކަމަށެވެ.
މި ސަރުކާރުން 2025 ވަނަ އަހަރަށް ލަފާކުރާ ބަޖެޓު ހުށަހަޅަމުން މިއީ ގެދޮރުވެރި ކަމުގެ ބަޖެޓެއް ކަމަށް ވިދާޅުވި ނަމަވެސް 55 ބިލިއަންގެ ބަޖެޓެއް ހުސްވަނީ އެންމެ ފްލެޓެއްގެ ބިންގާ ވެސް ނޭޅި ކަމަށް މެންބަރު ވިދާޅުވި އެވެ.
މިދިޔަ އަހަރު ބަޖެޓު ހުށަހަޅަމުން ވިދާޅުވީ މިއީ ބޯހިޔާވަހިކަމުގެ ބަޖެޓެކޭ. އަޅުގަނޑަށް މިތަނުން ކޮންމެވެސް މެންބަރެއް ދައްކާލަދެއްވާ އަޅާފަ އޮތް އެންމެ ބިންގަލެއް ވެސް. އަޅާފަ އޮތް އެންމެ ބިންގަލެއް ވެސް ދައްކާލަދެއްވާ. ބޯހިޔާވަހިކަމުގެ ބަޖެޓެއް، 55 ބިލިއަން ރުފިޔާގެ ބަޖެޓެއް ހުސްވެގެން ދިޔައިރު. އަޅުގަނޑުމެން މި ވާހަކަ ދެއްކީމަ އަޅުގަނޑުމެން މި ގޯސް ވަނީ. ދެން މި އަހަރު ވެސް ބަޖެޓު ހުށަހަޅާފަ ބުނާނެ މިއީ ތައުލީމާ މިވަނި ކަމަކަށް އޮތް ބަޖެޓެކޭ. ސިއްހަތަށް އޮތް ބަޖެޓެކޭ،
ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ
ޣަފޫރު ވިދާޅުވީ 65،000 ފްލެޓު މާލެ ސަރަހައްދުގައި އަޅާނެ ކަމަށް ބުނި މި ސަރުކާރަށް ދެ އަހަރު ވީ އިރުވެސް ބޯހިޔާވަހިކަމުގެ މަޝްރޫއެއް ނުހިންގާ ކަމަށެވެ. އަދި މިއީ ރައްޔިތުން ނުހަނު ކަންބޮޑުވާ ކަމެއް ކަމަށް ވެސް މެންބަރު ވިދާޅުވި އެވެ.
މެންބަރު ޣަފޫރު ވިދާޅުވީ އިތުރު ހައުސިންގ މަޝްރޫއުތައް ކުރިއަށް ގެންދިއުމުގެ އިތުރުން، ނިމިދިޔަ އެމްޑީޕީ ސަރުކާރުން ދީފައިވާ ފްލެޓުތަކުގެ ހައްގުވެރިންނަށް އެ ފްލެޓުތައް ވެސް ދޭން ޖެހޭ ކަމަށެވެ.
މި ސަރުކާރުން ވައުދުވީ ނިމިދިޔަ ސަރުކާރުން ފްލެޓުތައް ދިން ގޮތަކަށް ދިން ބަޔަކަށް ދޭން ކަމަށް ވީ ނަމަވެސް އެކަން އެގޮތަށް ނުހިނގާތީ ރައްޔިތުން ތިބީ ކަންބޮޑުވެފައި ކަމަށް ވެސް މެންބަރު ވިދާޅުވި އެވެ.
ރަށްރަށުގަ ބިންގާ އެޅޭ. ކުޅުދުއްފުށީ ގައި ވެސް މިހާރު ހުންނަން ޖެހޭނެ 4000 އަށް ވުރެ ގިނަ ފްލެޓު ހުންނަން ޖެހޭނީ ބިންމަތިން އަރާފަ. ހަނިމާދޫގައި ވެސް، 1000 ފްލެޓު އެޅިފަ ހުންނަން ޖެހޭނީ. އެހެން ނަމަވެސް ބިމުން މައްޗަކަަށް އަދި ނާރާ ތަނބެއް ވެސް ފާރެއް ވެސް އެއްވެސް އެއްޗެއް. ބިންގާ އެޅީމާ އެހާ ހިސާބުން ނިމެންޏާ އެ ނިމުނީ އެކަން،
ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ
ޣަފޫރު ވިދާޅުވީ މި ސަރުކާރުން ފްލެޓު އަޅަންޏާ އަޅަނީ ކަނޑުއަޑީގައި ކަމަށެވެ. އަދި އެއްގަމުގައި އުޅޭ ރައްޔިތުންނަށް އެ ފްލެޓުތައް ނުފެންނަނީ އެހެންވެ ކަމަށް ވެދާނެ ކަމަށް މެންބަރު ވިދާޅުވި އެވެ. އެހެން ކަމުން މި ސަރުކާރުން އަޅާ ފްލެޓުތައް ހޯދަން އެންމެ ފުރަތަމަ ޖެހޭނީ ޑައިވިންގ ކޯހެއް ހަދަން ކަމަށް ވެސް ޣަފޫރު ވިދާޅުވި އެވެ.
އަޅުގަނޑަށް ހީވަނީ ބިންގާ އަޅާފަ އިމާރާތް ކުރަނީ ބިމު އަޑީގަ ހެން. އޭރުން ދެން މިތާ އެއްގަމުގަ އުޅޭ މީހުންނަކަށް ނުއެއް ފެންނާނެތާ. ޑައިވިން އަށް ގޮސްގެން އެ އެއްޗެހި ފެންނާނީ. ނުފެންނާތީ އެވާހަކަ މި ދެއްކެނީ. މައްޗަށް އަރާތަނެއް ނުފެނޭ. ކަނޑުގަ އަޅަންޏާ އަޅުގަނޑުމެންނަކަށް ނުފެންނާނެ. އެހެން ކަންނޭންގެ މި ވަނީ. އެހެންވީމަ ޑައިވިން ކޯހެއް ހަދައިގެން ކަންނޭންގެ މި އެއްޗެހި ރަނގަޅަށް ފެންނާނީ،
ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ
މެންބަރު މައުރޫފް ހުށަހެޅުއްވި ގަރާރުގައި ބުނީ ގެދޮރުވެރިޔާ މަޝްރޫއުގެ ދަށުން 4000 ފްލެޓުތަކުގެ ހައްގުވެރިންގެ ތެރެއިން ގިނަ ބަޔަކަށް ފްލެޓު ހަވާލުކުރުން ލަސްކުރަމުންދާ ދާ ކަމަށެވެ. އަދި ބިންވެރިޔާ މަޝްރޫއުގެ ފުރަތަމަ ސްކީމުގެ ދަށުން ހިއްކަމުންދިޔަ ގުޅީފަޅާއި ގިރާވަރުފަޅާއި ހުޅުމާލެ ފޭސް 3 ގެ މަސައްކަތް ނުނިންމައި މި ސަރުކާރުން އެކަން ލަސްކުރަމުން ދާ ކަމަށެވެ.
- ކޮމެންޓް
- އިތުރަށް ކިޔާލަން
ސަރުކާރަށް ދެ އަހަރު ވަނީ ވާނުވާ ބަންދުގެ މައްސަލައިގައި ހަމަ ފެންހިފޭ އެއްކަމެއް ވެސް ނުކޮށް: މީކާއިލް
ފާޑުކިޔުންތަކަށް ބެލުމެއް ނެތި، އެސްއީޒެޑް ޤާނޫނުގެ އިސްލާހުގެ މަސައްކަތް ކުރިއަށް: އަންގާރަ ދުވަހު އޮތީ މުޅި މަޖިލީހުގެ ކޮމިޓީ
ސުލްހަވެރި ކަމާއެކު އެއްވެ އުޅުމުގެ ގާނޫނު އުވާލަން ހުށަހަޅައިފި
މެންބަރު އައިބީގެ އިތުބާރު ނެތް ކަން ހާމަކުރުމަށް ޕެޓިޝަނެއްގައި ސޮއިކުރަން ފަށައިފި
ފައިބެއަހަރުން މިއަދު
ސްކީލާން ހޯދަން ދޮރުން ދޮރަށް ހިނގިން، އޭނާ އާއި ދިމާވީ ފުރަން ދާން ގަޑި އިރަކަށް ވެފައި ވަނިކޮށް - އާއިދު
އެމެރިކާ ރިޔާސީ އިންތިޚާބުގެ އެންމެ ބޮޑު ދެ ވާދަވެރިން އެބޭފުޅުއްގެ ކޮޅަށް އިންތިޚާބު އަނބުރާލުމަށް ފަހު ވަގުތުވެސް ހަނގުރާމައިގައި
އީރާނުން އިޒްރޭލަށް ހަމަލާދޭނެ ކަމީ ޔަގީން ކަމެއް: އައިއާރުޖީސީ ޑެޕިއުޓީ ކޮމާންޑަރު
"ސްކީލާން" ޑޮކިއުމެންޓަރީ އަކީ ބޭރު ތަނަކަށް ހުށަހަޅައިފި ނަމަ ދުނިޔޭގެ ފެންވަރުގެ އެވޯޑް ލިބޭނެ ވަރުގެ ޑޮކިއުމެންޓަރީ އެއް - ފިޔާޒް
