ހދ.ކުޅުދުއްފުށި ސިޓީގައި މިހާރު ކުރިއަށްދާ ބީޗު ހޭންޑް ބޯޅް ޗެމްޕިއަންޝިޕްގެ ސެމީ ފައިނަލްގެ ފުރުސަތު ދިވެހި ރާއްޖެ އިން ހޯދައިފި އެވެ.

ރާއްޖެ އިން ސެމީ ފައިނަލްގެ ފުރުސަތު ހޯދީ މުބާރާތުގެ ލީގު ބުރުގައި ކުޅުނު ފަސް މެޗުގެ ތެރެއިން ތިން މެޗުން މޮޅުވެގެންނެވެ. ރާއްޖެ މޮޅުވެފައި ވަނީ ސްރީ ލަންކާ، ދެކުނު އެފްރިކާ އަދި އިންޑިއާ އަތުންނެވެ. ބަލިވެފައި ވަނީ ޕާކިސްތާން އަދި ބަންގްލަދޭޝް އަތުންނެވެ.

އިންޑިއާއާ ދެކޮޅަށް ލީގު ބުރުގައި ކުޅުނު ފަހު މެޗުގައި ރާއްޖެ މޮޅުވެފައި ވަނީ ދެ ސެޓުންނެވެ. އެ މެޗުގެ ސެޓުތައް ރާއްޖެ އިން ކާމިޔާބު ކުރީ 22-20 އަދި 20-19 އިންނެވެ. މި މެޗުގައި ރާއްޖޭގެ ކުޅުންތެރިން ވަނީ ރަނގަޅު ހިތްވަރާ އެކު، މޮޅު ކުޅުމެއް ދައްކައިފަ އެވެ.

މުބާރާތުގެ ސެމީ ފައިނަލްގައި އާދީއްތަ ދުވަހުގެ ހަވީރު ރާއްޖެ އިން ނިކުންނާނީ ސްރީ ލަންކާއާ ދެކޮޅަށެވެ. އަނެއް ސެމީ ފައިނަލްގައި ޕާކިސްތާން ނިކުންނާނީ ބަންގްްލަދޭޝްއާ ދެކޮޅަށެވެ.