އުފެއްދުންތެރިކަމުގެ މައުރަޒުން މުޢިއްޒު ގަތް ތަކެއްޗަށް އަދިވެސް ފައިސާ ނުދައްކާ
އަބްދުއް ސައްތާރު ބުނީ، މައުރަޒު ނިމުންފަހުން ދެމަސްވާން ގާތް ވެފައިވީ އިރުވެސް އެއްވެސް ހަބަރެއް މިހާތަނަށް ނުވާކަމަށާއި އެއްވެސް ކަމެއްގެ އޮޅުމެއް ފިލުވާ ނުދޭކަމަށެވެ. އަދި ކޯޓަށް ދާކަށް ގަސްތެއް ނުކުރާ ކަމަށާއި އެހެން ނަމަވެސް ފައިސާ ނުލިބިއްޖެ ނަމަ ކޯޓަށްވެސް ދާނެ ކަމަށް އަބްދުއް ސައްތާރު ބުންޏެވެ.
އަބްދުއް ސައްތާރު ތައްޔާރު ކުރި އޮޑި
ދިވެހީންގެ އުފެއްދުންތެރިކަމުގެ މައުރަޒުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގަތް ތަކެއްޗަށް އަދިވެސް ފައިސާ ނުދައްކާ ކަމަށް މައުރަޒުގެ ބައިވެރިން ބުނަން ފަށައިފިއެވެ.
ރާއްޖެ އެމްވީ އާއި ވާހަކަދައްކަމުން އުފެއްދުންތެރިކަމުގެ މައުރަޒުގައި ބައިވެރިވި ބ. ތުޅާދޫ، އަބްދުއް ސައްތާރު މުޙައްމަދު ބުނީ، މައުރަޒުގައި ބައިވެރިވީ ތުޅާދޫ ކައުންސިލްގެ ފަރާތުން ކަމަށާއި އޭނާ ތައްޔާރު ކުރި ދޯނީގެ މައުލޫމާތު ސާފުކުރަން ކައުންސިލަށް ދިއުމުން އެ ދޯނި ގަތް ފަރާތަކީ ރައީސް މުޢިއްޒު ކަމަށް ތުޅާދޫ ކައުންސިލުން ބުނިކަމަށެވެ.
ދެން އަޅުގަނޑު ކައުންސިލަށް ދިޔައީމާ ވާއެއްޗަކީ ކައުންސިލުން އެއްވެސް އެއްޗެއް ސާފެއް ނުވޭ، އެއްފަހަރު ބުނާނެ ތިމަންނަމެން ގުޅީމަ ފޯނެއް ނުނަގައެ އެކޮޅަކުންނެއް، އަނެއްފަހަރު ބުނާނެ ފޯނު ނެގިޔަސް ސާފެއް ނުކޮށްދޭ، ވާނުވާއެއް ނޭންގެ ދުވަހަކުވެސް ކައުންސިލަށް ގޮސްގެންނެއް.އަބްދުއް ސައްތާރު މުޙައްމަދު
މީގެ އިތުރުން އަބްދުއް ސައްތާރު ބުނީ، މައުރަޒު ނިމުނު ފަހުންވެސް މިހާރު މަހަކަށްވުރެ ގިނަ ދުވަސް ވެއްޖެ ކަމަށާއި ކައުންސިލަށް ގޮސްގެންވެސް މިކަމަށް އަލިމަގެއް ފެނިފައި ނުވާކަމަށެވެ. ސައްތާރު ބުނީ އޭނާ ތައްޔާރު ކުރި އޮޑީގެ އަގަކީ 60،000 ރ. ކަމަށެވެ.
އަދި އާދިއްތަ ދުވަހުވެސް ކައުންސިލުން އެކަމާއި ހަވާލުވެ ހުންނެވި ބޭފުޅާ އާއި ބައްދަލު ކުރުމުން ރައީސް އަށް ސިޓީއެއް ފޮނުވަން އުޅޭ ވާހަކަ ދެންނެވި ކަމަށެވެ. އަބްދުއް ސައްތާރު ބުނިގޮތުގައި ސޓީ ފޮނުވާ ވާހަކަ މީގެ ދެހަފްތާ ކުރިންވެސް އެބޭފުޅާ ބުނެފައިވެއެވެ. ނަމަވެސް މިއަދާ ހަމައަށްވެސް އެސިޓީ ފޮނުވިފައެއް ނުވެއެވެ.
އަބްދުއް ސައްތާރު ބުނީ، މައުރަޒު ނިމުނުފަހުން ދެމަސްވާން ގާތް ވެފައިވީ އިރުވެސް އެއްވެސް ހަބަރެއް މިހާތަނަށް ނުވާކަމަށާއި އެއްވެސް ކަމެއްގެ އޮޅުމެއް ފިލުވާ ނުދޭކަމަށެވެ. އަދި ކޯޓަށް ދާކަށް ގަސްތެއް ނުކުރާ ކަމަށާއި އެހެން ނަމަވެސް ފައިސާ ނުލިބިއްޖެ ނަމަ ކޯޓަށްވެސް ދާނެ ކަމަށް އަބްދުއް ސައްތާރު ބުންޏެވެ.
ދިވެހީންގެ އުފެއްދުންތެރިކަމުގެ މައުރަޒުގައި ޖުމްލަ 383 ފަރާތަކުން ބައިވެރިވެފައިވެއެވެ. އެއީ 14 ކެޓެގަރީއަކުންނާއި 82 ސަބް ގިންތިއަކުންނެވެ.
އެގޮތުން އެންމެ ގިނައިން ބައިވެރިވެފައިވަނީ އަތްތެރި މަސައްކަތުގެ ދާއިރާއިންނެވެ. މި މައުރަޒުގައި ހދ އަތޮޅުން ފެށިގެން ލ އަތޮޅާއި ހަމައަށް ގިނަ ރަށްތަކަކުން ބައިވެރިވެފައި ވެއެވެ. މަޢުރަޒުގައި އެންމެ ގިނަ ތަކެތި ބައިވެރިކޮށްފައިވަނީ މާލެއާއި ބ.ތުޅާދޫ އިންނެވެ.
