ދުވަހު ކުއްޔަށްދޭ ކޮޓަރިއެއްގައި ޒުވާނަކު މަރުވެފައި އޮއްވާ ފެނިއްޖެ
މަރުވެފައި އޮއްވާ ފެނުނީ ނ. ވެލިދޫ، ފެހިވިލާގެ އިބްރާހިމް ސިފާދު (32އ)
މަރުވެފައި އޮއްވާ ފެނުނު ޒުވާނާގެ ހަށިގަނޑު ފުލުހުން ބޮޑީ ބޭގަކަށް ލައިގެން ގެންދަނީ
ދުވަހު ކުއްޔަށްދޭ ކޮޓަރިއެއްގައި ޒުވާނަކު މަރުވެފައި އޮއްވާ ފެނިއްޖެއެވެ.
އެ ޒުވާނާ މަރުވެފައި އޮއްވާ ފެނުނީ ބުދަ ދުވަހުގެ ދަންވަރުގެ ވަގުތެއްގައި މާލޭގެ ގަލޮޅުގައި ހުރި ދުވަހު ކުއްޔަށް ކޮޓަރިއެއްގެ ތެރެއިންނެވެ. އެއީ ގާތްގަނޑަކަށް ދަންވަރު 2:15 ހާއިރުއެވެ.
އަދި އޭނާ މަރުވެފައި އޮތީ ކޮޓަރީގެ ފާހާނާ ތެރޭގައެވެ. އަދި އެނާ މަރުވެފައި އޮތްކަމުގެ ރިޕޯޓް ފުލުހުންނަށް ލިބުމާއެކު ފުލުހުން އެތަނުގައި ހަރަކާތްތެރިވެފައިވެއެވެ.
މައުލޫމާތު ލިބޭ ގޮތުގައި މަރުވެފައި އޮއްވާ ފެނުނީ ނ. ވެލިދޫ، ފެހިވިލާގެ އިބްރާހިމް ސިފާދު (32އ) އެވެ. ނަމަވެސް މި މަރާއި ގުޅޭ އިތުރު ތަފްސީލެއް ފުލުހުން ދީފައި ނުވެއެވެ. އޭނާ ފެނުނު އިރު އޮތީ ހަށިގަނޑު ހަރުވެފައެވެ. އޭނާ އެ ގެސްޓް ހައުސްއިން ކޮޓަރިއެއް ކުއްޔަށް ނެގީ އަންގާރަ ދުވަހުއެވެ. އަދި ބުދަ ދުވަހުގެ ހެނދުނު ވެސް އޭނާ ގެސްޓް ހައުސްގައި އުޅުނު ކަމަށް މައުލޫމާތު ލިބުނެވެ.
ނަމަވެސް ފަހުން ހަބަރެއް ނުވެގެން އޭނާ ކުއްޔަށް ނެގި ކޮޓަރިއަށް ވަތް އިރު ފާހާނައިގައި ހަބަރު ހުސްވެފައި އޮއްވާ ފެނުމުން ގެސްޓް ހައުސް އިން އޭނާގެ މައުލޫމާތު ފުލުހުންނަށް ދިނެވެ.
ފުލުހުން ދަނީ މި މައްސަލަ ތަހުގީގުކުރަމުންނެވެ.
