ރަޝިޔާ އާއި ޔުކްރެއިންއާ ދެމެދު ކުރިއަށްދާ ހަނގުރާމަ، ތިން ދުވަހުގެ މުއްދަތަކަށް ހުއްޓާލުމަށް ރަޝިޔާގެ ރައީސް ވްލަޑިމިއާ ޕުޓިން އިއުލާން ކުރައްވައިފި އެވެ. 

ޕުޓިން ވަނީ ދެ ވަނަ ބޮޑު ހަނގުރާމައިގެ 80 އަހަރު ފުރުން ފާހަގަ ކުރުމަށްޓައި، މެއި މަހު ތިން ދުވަހަށް ހަނގުރާމަ ހުއްޓާލުމަން އިއުލާން ކުރައްވާފައިވެ އެވެ. 

ރަޝިޔާ އިން ބުނެފައިވާ ގޮތުގައި 72 ގަޑި އިރަށް ހަނގުރާމަ ހުއްޓާލުން ދެމި އޮންނާނީ މެއި މަހުގެ އަށް ވަނަ ދުވަހާއި، ނުވަ ދުވަސް އަދި 10 ވަނަ ދުވަހަށް ކަމަށެވެ. 

ނާޒީ ޖަރުމަނުގެ މައްޗަށް ލިބުނު ކާމިޔާބީ ފާހަގަ ކުރުމަށް މެއި މަހުގެ ނުވަ ވަނަ ދުވަހު ބާއްވާ ޚާއްސަ ރަސްމިއްޔާތުގައި ޗައިނާގެ ރައީސް ޝީ ޖިންޕިން ވެސް ބައިވެރިވެ ވަޑައިގަންނަވަ އެވެ. 

އެކަމާ ގުޅިގެން ޔުކްރެއިންގެ ޚާރިޖީ ވަޒީރު އަންދްރީ ސިބިހާ ވިދާޅުވީ، ރަޝިޔާ އިން ހަގީގުގައި ސުލްހަވެރިކަމެއް ބޭނުންވާ ނަމަ، ވަގުތުން ހަނގުރާމަ ހުއްޓާލާނެ ކަމަށެވެ. އަދި އެ ހުއްޓުވުން މެއި މަހުގެ އަށް ވަނަ ދުވަހާ ހަމައަށް މަޑު ކުރަނީ ކީއްވެތޯ ވެސް އޭނާ ވަނީ ސުވާލު އުފައްދަވައިފަ އެވެ. 

އެމެރިކާގެ ރިޔާސީ ގަނޑުވަރު ވައިޓް ހައުސް އިން ބުނެފައި ވަނީ އެ ޤައުމުގެ ރައީސް ޑޮނަލްޑް ޓްރަމްޕް ބޭނުންފުޅުވެ ވަޑައިގަންނަވަނީ ދާއިމީ ހުއްޓުމެއް ކަމަށެވެ.