ޕިއްޒާ ޕާސްތާ ބޭކް ވިތް ސޮސެޖް

ބޭނުންވާ ތަކެތި

• 1 ޕެކެޓް ޕާސްތާ (ކޮންމެ ވެސް ބާވަތެއްގެ)
• 1 ޕެކެޓް ސޮސެޖް
• 1 ގްރީން ބެލް ޕެޕަރ (ކުދިކޮށް ކޮށާފައި)
• ½ ފިޔާ، (ކުދިކޮށް ކޮށާފައި)
• 4 ޕެޕަރޯނީ ސްލައިސް، ކެއުމަށް ފަސޭހަވާ ސައިޒަށް ކޮށާފައި
• 2 ބްލެކް އޮލިވްސް ސްލައިސްކޮށް ކޮށާފައި
• 2 އައުންސް ކްރީމް ޗީޒް
• 1 ޖޯޑު ޕިއްޒާ ސޯސް
• 2 ޖޯޑު މޮޒަރެލާ ޗީޒް
• ½ ސަމުސާ އިޓަލިއަން ސީޒަނިންގ

ތައްޔާރު ކުރާނެ ގޮތް

ފުރަތަމަ އަވަން 350 ޑިގްރީ ފެރެންހައިޓް، 175 ޑިގްރީ ސެލްސިއަސް އަށް ހޫނުކުރާށެވެ. ބޭކިންގ ޓްރޭއެއްގައި، ކުކިންގ ސްޕްރޭ ކޮށްފައި ބަހައްޓާށެވެ.

އެއަށްފަހު، ބޮޑު ތަވައެއްގައި ޕާސްތާ ކައްކާލާށެވެ. ދެން ތަވައެއްގައި ސޮސެޖް މަޑު ގިނީގައި ބަހައްޓައިގެން ރޯފިލުވާށެވެ. އެތެރެ ކުޑަކޮށް ރަތްކުލައިގައި ހުންނަ ވަރަށް ރޯފިލުވަން ވާނެއެވެ. ދެން ސޮސެޖްގެ ތެރެއަށް ފިޔާ އިތުރުކުރާށެވެ. ސޮސެޖް ރަނގަޅަށް ރޯފިލަންދެން ކައްކަމުން ގެންދާށެވެ.

އެއަށްފަހު ޕެޕަރޯނީ، އޮލިވް، ކްރީމް ޗީޒް އަދި ސޯސް އިތުރުކުރާށެވެ. މަޑު ގިނީގައި ޗީޒް ވިރެންދެން ކައްކާށެވެ. ޕާސްތާ ރަނގަޅަށް މަޑުވުމުން ފެން އުކާލުމަށްފަހު، ތައްޓެއްގެ ތެރޭގައި ސޮސެޖް މިކްސްޗަރ ޕާސްތާގެ ތެރެއަށް އަޅާ ރަނގަޅަށް އެއްކޮށްލާށެވެ.

ޕާސްތާ މިކްސްޗަރުގެ ދެބައިކުޅަ އެއްބައި ތައްޔާރުކޮށްފައިވާ ބޭކިންގ ޓްރޭއަށް އަޅާށެވެ. މޮޒަރެލާ ޗީޒްގެ ދެބައިކުޅަ އެއްބައި މަތިން އަޅާށެވެ. މިގޮތަށް ދެ ލޭޔަރަށް ރިޕީޓްކޮށްލާށެވެ. އިޓަލިއަން ސީޒަނިންގ މަތިން އަޅާ، ބޭނުންނަމަ މަތިން ޕެޕަރޯނީ ސްލައިސް އަޅާލާށެވެ.

ޗީޒް ވިރި ޕާސްތާ ހޫނުވަންދެން، ގާތްގަނޑަކަށް 15 މިނެޓު ވަންދެން ބޭކްކުރާށެވެ.