ޗިކަން ޓިއްކާ ޕިއްޒާ

ޕިއްޒާއަކީ ޒަމާނުއްސުރެ ދިވެހިންގެ ތެރޭގައި މަގުބޫލު ޑިޝްއެކެެވެ. މިއީ ތަފާތު، މީރު ޕިއްޒާއެއް ތައްޔާރުކޮށްލެވޭނެ ރެސިޕީއެކެވެ.

ފުށްގަނޑު ތައްޔާރު ކޮށްލުމަށް ފެން، ހަކުރު އަދި ޔީސްޓް ތައްޓެއްގައި އެއްކޮއްލުމަށްފަހު، 5 މިނެޓް ވަންދެން ބަހައްޓާށެވެ (ފޮނުއަރަންދެން).

އެއަށްފަހު ތެޔޮކޮޅު އެޅުމަށްފަހު އެއްކޮށްލާށެވެ. ދެން ފުށާއި ލޮނުކޮޅު އެއްކޮށްލާފައި މޮޑެލާށެވެ. ފުށްގަނޑު މާ ދިޔާވެއްޖެނަމަ 1/2 ޖޯޑު ފުށް އިތުރު ކޮށްލާށެވެ.

ދެން މަސްގަނޑު ތައްޔާރުކޮށްލުމަށް ކޮށާފައިހުރި ކުކުޅުކޮޅު، ޔޯގަޓް، ލޮނުކޮޅެއް އަދި 1 ސައި ސަމުސާ ގަރަމް މަސާލާ އެއްކޮށްލާފައި ޒައިތޫނި ތެޔޮކޮޅެއްގައި ފިހެލާށެވެ. އެއަށްފަހު ބާކީހުރި ގަރަމް މަސާލާކޮޅު, ޕެޕްރިކާ އަދި ހުރިހާ ތަރުކާރީކޮޅެއް ތެޔޮކޮޅެއްގައި މީރުކޮށްލާށެވެ.

ދެން ޕަލްސްކޮށްފައި ހުރި ޓޮމާޓޯ އެއްކޮށްލާފައި 1 މިނެޓް ވަނަދެން ކައްކާލާށެވެ. މިހިސާބުން ކުރިން ފިހުނު ކުކުޅުކޮޅު އެއްކޮށްލާފައި ހާވާލާށެވެ.

ފުށްގަނޑު ދަމާލާފައި ޓްރޭއެގައި ފަތުރާލާށެވެ. ޗިކަން ޓިއްކާކޮޅު ފުށްގަނޑު މަތީގައި ފަތުރާލުމަށްފަހު މައްޗަށް ޗީޒް އަޅާފައި ފުށްގަނޑު ފިހެވި، ޗީޒްކޮޅު ދިޔާވެލަންދެން 120 ޑިގްރީ ސެލްސިއަސް އަވަނެއްގައި ފިހެލާށެވެ.