ކ. މާލެ
|
24 މެއި 2019 | ހުކުރު 10:13
ޗިކަން ޕާމެޝަން ވިތް ޕާސްތާ
ޗިކަން ޕާމެޝަން ވިތް ޕާސްތާ
ރާއްޖެއެމްވީ
ރޯދަ ބަދިގެ 1440
ޗިކަން ޕާމެޝަން ވިތް ޕާސްތާ
 
ޕާސްތާގެ މި ރެސިޕީ އަކީ ތައްޔާރު ކޮށްލަން ފަސޭލަ، މީރު ރެސިޕީއެކެވެ

ބޭނުންވާ ތަކެތި:

200 ގުރާމް ކަށިނެތް ކުކުޅު

30 ގުރާމް މޮޒަރެއްލާ ޗީޒް

20 ގުރާމް ޕާމެޝަން ޗީޒް

1 ދަޅު ޕީލްޑް ޓޮމާޓޯ

1 ސައިސަމްސާ ހިއްކި ބޭސިލްފަތް

1 ކުޑަ ފިޔާ

1 ލޮނުމެދު

2 ސަމްސާ ޓޮމާޓޯ ޕޭސްޓް

150 ގުރާމް ކެއްކި ޕާސްތާ

ބައި ސައިސަމްސާ މުގުރި ޕެޕްރިކާ

1 ޖޯޑު ފެން

2 ރޯމިރުސް

ލޮނު

އަސޭމިރުސް

ޕާސްތާ ސޯސް ތައްޔާރު ކޮށްލާނެ ގޮތް:

އެންމެ ފުރަތަމަ ފިޔާ، ލޮނުމެދު އަދި ރޯމިރުސް ކުދިކޮށް ކޮށާލާފައި ޒައިތޫނިތެޔޮ ކޮޅެއްގައި މީރު ކޮށްލާށެވެ.

ތަރުކާރިކޮޅު މީރުވުމުން ޓޮމާޓޯ ޕޭސްޓު އަދި ޓޮމާޓޯ ދަޅު އަޅާފައި އެއްކޮށްލާށެވެ.

ރަނގަޅަށް އެއްވުމުން ލޮނު، އަސޭމިރުސް، ބޭސިލް އަދި ޕެޕްރިކާ އަޅާލާށެވެ.

ދެން ފެންފޮދު އަޅާފައި ސޯސްގަނޑުގެ ދެބައިކުޅަ އެއްބައި ހިނދެންދެން ކައްކާލާށެވެ.

ކުކުޅު ތައްޔާރު ކޮށްލާނެ ގޮތް:

ނުކޮށާ އޮތް ޗިކަން ބްރެސްޓްއެއްގެ ދެފަޅީގައި ލޮނު، އަސޭމިރުސް، ޕެޕްރިކާ އަދި ޒައިތޫނި ތެޔޮކޮޅެއް އުނގުޅާލުމަށްފަހު ހޫނު ތަވައެއްގައި ފިހެލާށެވެ.

ރަނގަޅަށް ރޯފިލުމުން މައްޗަށް ކެއްކި ޕާސްތާ ސޯސް އަޅާފައި ދެ ވައްތަރު ޗީޒް އަޅައި، ޗީޒަ ކޮޅު ދިޔާ ވަންދެން މަތި ޖަހާފައި މަޑު ގިނީގައި ކައްކާލާށެވެ.

ކުކުޅު ތައްޔާރުވުމުން، ކުރިން ކެއްކި ސޯސް ތެރެޔަށް ކެއްކި ޕާސްތާއަޅައި ރަނގަޅަށް އެއްކޮށްލާށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
100%
0%
0%
0%
0%
ކޮމެންޓް