ހޮނިހިރު ދުވަހު ޣައްޒާގެ އެކި ސަރަހައްދުތަކުން ފަލަސްތީނުގެ 9 މީހުން ޝަހީދު ކޮށްލައިފި
12 ޖެނުއަރީ 2025 | އާދީއްތަ 06:29ވަނަ އަހަރުގެ އޮކްޓޯބަރު 7 ން ފެށިގެން ޣައްޒާއަށް އިޒްރޭލުން ދެމުންދާ އަނިޔާވެރި ޢުދުވާނީ ހަމަލާތަކުގެ ސަބަބުން މިހާތަނަށް މަދުވެގެން 46,537 ފަލަސްޠީނު މީހުން ވަނީ ޝަހީދުވެފައެވެ.
2025 ޖެނުއަރީ 11 - ޣައްޒާގެ ދީރުލް ބާލާހުގައި އިސްރާއީލުން ފަލަސްތީނުގެ މީހުންގެ ޓެންޓަށް ދިން ހަމަލާއަށް ފަހު ކުޑަކުދިން ހިމެނޭ ގޮތަށް އަނިޔާވި ފަލަސްތީނު މީހުން އަލް އަގްސާ ހޮސްޕިޓަލަށް ގެންނަނީ
ހޮނިހިރު ދުވަހު ޣައްޒާ ސްޓްރިޕްގެ އެކި ތަންތަނަށް، އިސްރާއީލުން ދިން ވައިގެ ހަމަލާތަކުގައި މަދުވެގެން 9 ފަލަސްޠީނު މީހުން ޝަހީދުވެ، އަދި އެތައް ބަޔަކަށް އަނިޔާވެއްޖެއެވެ.
ޣައްޒާ ސިޓީގެ އަލް-ދަރަޖް ހިމެނޭ ސަރަޙައްދުގައި މަގުމަތީގައި ތިބި އާންމު ބަޔަކަށް އިޒްރޭލުން ދިން ވައިގެ ހަމަލާއެއްގައި 4 ފަލަސްޠީނު މީހުން ޝަހީދުވެ، އަދި އެތައް ބަޔަކަށް އަނިޔާވިއެވެ.
ޣައްޒާ ސިޓީގެ މެދުތެރޭގެ ސަރަހައްދެއް ކަމުގައިވާ ދީރުލް-ބަލާޙްގައި، 3 މީހުން ޝަހީދުވެ، އިތުރު ބަޔަކު ޒަޚަމްވީ އިސްރާއީލުގެ ހަނގުރާމަމަތީ ޖެޓް މަތިންދާބޯޓުތަކުން ގެދޮރު ގެއްލިފައިވާ ޢާއިލާތައް ހިމާޔަތްކުރުމަށް ޖަހާފައިވާ ޓެންޓަކަށް ބޮން އެޅުމުންނެވެ.
މީގެ އިތުރުން، ބުރެއިޖް ރެފިއުޖީ ކޭމްޕްގެ އުތުރުގައި ހުރި ޝަހީދުންގެ މައިދާނުގެ ވަށައިގެންވާ ސަރަޙައްދަށް އިސްރާއީލުގެ ޑްރޯނަކުން ދިން ހަމަލާއެއްގައި އެކަކު ޝަހީދުވިއެވެ.
ޣައްޒާ ސިޓީގެ މެދުތެރޭން ޚާން ޔޫނިސްގައި، އެ ސިޓީގެ އިރުމަތީގައި އޮންނަ އަބަސާން އަލް-ކަބީރާ އަވަށުގެ ގެއަކަށް އިސްރާއީލުން ދިން ވައިގެ ހަމަލާއެއްގައި އެކަކު ޝަހީދުވެ، އިތުރު ދެ މީހަކަށް އަނިޔާވިއެވެ.
2023 ވަނަ އަހަރުގެ އޮކްޓޯބަރު 7 ން ފެށިގެން ޣައްޒާއަށް އިޒްރޭލުން ދެމުންދާ އަނިޔާވެރި ޢުދުވާނީ ހަމަލާތަކުގެ ސަބަބުން މިހާތަނަށް މަދުވެގެން 46,537 ފަލަސްޠީނު މީހުން ވަނީ ޝަހީދުވެފައެވެ. އަދި 109,571 އަށްވުރެ ގިނަ މީހުން ވަނީ ޒަޚަމްވެފައެވެ.
