ބަންގްލަދޭޝް މީހަކު ރާއްޖެއިން ވަގަށް ޑޮލަރު ބޭރުކުރަން އުޅުނު މައްސަލައިގައި އޭނާގެ ބަންދަށް 15 ދުވަސް އިތުރުކޮށްފި
27 އޯގަސްޓު 2024 | އަންގާރަ 10:24އޭނާގެ މައްޗަށް ތުހުމަތު ކުރެވޭ މަނީ ލޯންޑަރިންގެ މައްސަލަ ފުލުހުން ތަހުގީގު ކުރަމުންދާ ކަމަށް ފުލުހުން ވަނީ ބުނެފަ
ބަންގްލަދޭޝް ރައްޔިތެއްގެ ލަގެޖްގައި ފޮރުވައިގެން ޤަވާޢިދާއި ޚިލާފަށް ރާއްޖެއިން ބޭރުކުރަން އުޅުނު 81030 ނަގުދު ފައިސާ | އޭވިއޭޝަން ސެކިއުރިޓީ ކޮމާންޑް
ބަންގްލަދޭޝް މީހަކު ރާއްޖެއިން ވަގަށް ޑޮލަރު ބޭނުންކުރަން އުޅުނު މައްސަލައިގައި އޭނާގެ ބަންދަށް 15 ދުވަސް އިތުރުކޮށްފި އެވެ.
އޭވިއޭޝަން ސެކިއުރިޓީ ކޮމާންޑުން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ މި ފައިސާ އަތުލައިގަތީ ބަންގްލާ އެއަރލައިންސް އިން މާލެ އިން ބަންގްލަދޭޝްގެ ވެރިރަށް ޑާކާ އަށް ދަތުރު ކުރަން އާދިއްތަ ދުވަހު އެއަރޕޯޓަށް ދިޔަ ބަންގްލަދޭޝްގެ ފަސިންޖަރެއްގެ އަތުންނެވެ.އޭވިއޭޝަން ސެކިއުރިޓީ ކޮމާންޑުން އާންމުކުރި ފޮޓޯ އާއި ވީޑިއޯތަކުން ފެންނަ ގޮތުގައި ޑޮލަރުތައް ބަންދުކޮށްފައި ހުރި ޕެކެޓުން ނެގި އިރު އެ ޑޮލަރު ބޮނޑިތަކުގައި އެކި މީސްމީހުންގެ ނަން ވެސް ލިޔެފައި ހުއްޓެވެ. އޭނާ ވަނީ 81،030 ޑޮލަރު ރާއްޖެއިން ބޭރުކުރަން މަސައްކަތްކޮށްފައެވެ.
ފުލުހުން ބުނީ މިމައްސަލާގައި ހައްޔަރުކޮށްފައިވަނީ ބަންގްލަދޭޝްއަށް ނިސްބަތްވާ އުމުރުން 32 އަހަރުގެ ޝަހުމިން އިސްލާމްކަމަށެވެ. އަދި އޭނާގެ ބަންދަށް ކްރިމިނަލް ކޯޓުން 15 ދުވަސް ދީފައިވާ ކަމަށްވެސް ފުލުހުން ބުނެ އެވެ.
އޭނާގެ މައްޗަށް ތުހުމަތު ކުރެވޭ މަނީ ލޯންޑަރިންގެ މައްސަލަ ފުލުހުން ތަހުގީގު ކުރަމުންދާ ކަމަށް ފުލުހުން ވަނީ ބުނެފައެވެ.
