ސާފްގެ ރައީސްކަމަށް ފަސްވަނަ ދައުރަކަށް ސަލާހުއްދީން އިންތިޚާބުކޮށްފި
2 އޯގަސްޓު 2026 | އާދީއްތަ 08:32ސާފްގެ ރައީސްކަމަށް ކާޒީ ސަލާހުއްދީން ފަސްވަނަ ދައުރަކަށް އިންތިޚާބުވިއިރު، ފީފާގެ ސަސްޕެންޝަނެއްގައި އޮތް ނޭޕާލަށް އެކަން ހައްލުކުރުމަށް ސެޕްޓެމްބަރުގެ ނިޔަލަށް ފުރުސަތު ދިނުމަށް ވަނީ ނިންމާފައެވެ. ހަ ގައުމަކާއެކު ސާފް ޗެމްޕިއަންޝިޕްގެ ގުރުއަތުލުން ކުރިއަށް ގެންދިޔައިރު، ރާއްޖެ ހިމެނިފައިވަނީ އިންޑިއާ އަދި ޕާކިސްތާނާއެކު މުބާރާތުގެ ގްރޫޕް ބީގައެވެ.
ބޫޓާންގެ ތިމްޕޫގައި ބޭއްވި ސައުތު އޭޝިއަން ފުޓްބޯލް ފެޑެރޭޝަން (ސާފް) ގެ ކޮންގްރެސްގައި، އެ ފެޑެރޭޝަނުގެ ރައީސްކަމުގެ މަގާމަށް ކާޒީ ސަލާހުއްދީން ފަސްވަނަ ދައުރަކަށް އިންތިޚާބުކޮށްފި. ކާޒީ ސަލާހުއްދީން މި މަގާމަށް އިންތިޚާބުވެވަޑައިގަތީ އޭނާއާ ވާދަކުރާނެ އިތުރު ކެންޑިޑޭޓަކު ކުރިމަތިލާފައި ނުވާތީ، އިންތިޚާބަކާ ނުލައި އޮޓޮމެޓިކުން | ދަ ޑެއިލީ ސްޓަރ
ބޫޓާންގެ ތިމްޕޫގައި ހޮނިހިރު ދުވަހު ބޭއްވި ސައުތު އޭޝިއަން ފުޓްބޯލް ފެޑެރޭޝަން (ސާފް) ގެ ކޮންގްރެސްގައި، އެ އިދާރާގެ ރައީސްކަމުގެ މަގާމަށް ކާޒީ ސަލާހުއްދީން ފަސްވަނަ ދައުރަކަށް އިންތިޚާބުކޮށްފި އެވެ. ސަލާހުއްދީން މި މަގާމަށް އިންތިޚާބުވީ އޭނާއާ ވާދަކުރާނެ އިތުރު ކެންޑިޑޭޓަކު ކުރިމަތިލާފައި ނުވާތީ، އިންތިޚާބަކާ ނުލަ އެވެ.
ބަންގްލަދޭޝް ފުޓްބޯލް ފެޑެރޭޝަންގެ ކުރީގެ ރައީސްކަން ވެސް ކުރައްވާފައިވާ ސަލާހުއްދީން ސާފްގެ ރައީސްކަމުގެ މަގާމު ފުރުއްވަމުން ގެންދަވަނީ 2009 ވަނަ އަހަރުން ފެށިގެންނެވެ.
މި ކޮންގްރެސްގައި ސާފުން ވަނީ، ފީފާގެ ސަސްޕެންޝަނެއްގައި އޮތުމުގެ ސަބަބުން ހޮނިހިރު ދުވަހު ބޭއްވި ސާފް ޗެމްޕިއަންޝިޕްގެ ގުރުއަތުލުމުން ބާކީކުރި ނޭޕާލަށް، އެ ސަސްޕެންޝަން އުވާލުމަށް އަންނަ ސެޕްޓެމްބަރު މަހުގެ ނިޔަލަށް ފުރުސަތު ދީފަ އެވެ.
މުބާރާތުގެ ގުރުއަތުލުން ކުރިއަށް ގެންގޮސްފައިވަނީ ހަ ގައުމަކާއެކުގަ އެވެ. އެގޮތުން ގްރޫޕް ބީގައި ހިމެނެނީ ސަރަހައްދީ ފުޓްބޯޅައިގެ ގަދަބާރުތައް ކަމަށްވާ އިންޑިއާ، ދިވެހިރާއްޖެ އަދި ޕާކިސްތާނެވެ. މުބާރާތް ބާއްވާ ގައުމު ކަމަށްވާ ބަންގްލަދޭޝްއާއެކު ގްރޫޕް އޭގައި ހިމެނެނީ ސްްރީލަންކާ އަދި ބޫޓާނެވެ.
