ޔޫއެފާ ސީ ލައިސަންސް ބަލަކް އަށް

ޔޫއެފާ ސީ ކޯޗިންގ ލައިސަންސް ރާއްޖޭގެ އަލީ ވަހީދު (ބަލަކް) ހޯދައިފި އެވެ.

މިއީ އިނގިރޭސިވިލާތުން ޔުއެފާ ސީ ކޯޗިން ލައިސަންސް ދިވެއްސަކު ހާސިލުކުރި ފުރަތަމަ ފަހަރެވެ.

ޔުއެފާ ކޯޗިން ބެޖްތަކަކީ ދުނިޔޭގެ ފުޓުބޯޅައިގެ އެންމެ ވަރުގަދަ ލައިސަންސް ބެޖްތަކެވެ. އެހެންކަމުން އިތުރު ތިން ބެޖާއެކު އަލީ ވަހީދަށް ކޯޗިންގެ އެންމެ އުހަށް ދެވޭނެ އެވެ.

މިއަހަރުގެ ސެޕްޓެމްބަރު މަހު ފަށާ އިނގިރޭސި އާ ގްރާސް ރޫޓްސް ފުޓުބޯޅަ ސީޒަންގައި އަލީ ވަހީދާ ވަނީ ސައުތު ލަންޑަން ފުޓުބޯޅަ ނެޓްވޯކްގެ ފްލެގްޝިޕް ޓީމް އޭއެފްސީ ސައުތު ލަންޑަންގެ ކޯޗުކަން ހަވާލުކޮށްފަ އެވެ.

އެޓީމަކީ ގްރާސް ރޫޓްސް ލީގުގެ ފުރަތަމަ ޑިވިޝަންގެ ޓީމެކެވެ. އަދި އެ ޓީމުން ވަނީ އެކަން ރަސްމީކޮށް އިއުލާން ވެސް ކޮށްފަ އެވެ.