ތިނަދޫގައި ހިނގި އެކްސިޑެންޓެއްގައި ދެމީހަކަށް އަނިޔާވެގެން ފަރުވާދެނީ
10 މާރިޗު 2024 | އާދީއްތަ 13:55އެކްސިޑެންޓް ހިނގާފައިވަނީ ހަވީރު 3:40 ހާއިރު
ޙުސައިން މަޚްތޫމް | 10 މާރިޗު 2024 | އާދީއްތަ 13:55
އެކްސިޑެންޓުގައި އަނިޔާވި ދެމީހުންނަށް ދަނީ އަބްދުއްސަމަދު މެމޯރިއަލް ހޮސްޕިޓަލުގައި ފަރުވާދެމުން
ގދ. ތިނަދޫގައި ހިނގި އެކްސިޑެންޓެއްގައި ދެމީހަކަށް އަނިޔާވެގެން ފަރުވާދޭން ފަށައިފިއެވެ.
ފުލުހުން ބުނީ ތިނަދޫ ގާޒީމްގަން އުތުރުން ދެކުނަށް ދުއްވާފައި އައި ޕިކަޕެއް، އައިތާރަފިނި މަގުން ދުއްވާފައި އައި ސައިކަލެއްގައި ޖެހި އެކްސިޑެންޓް ހިނގާފައިވާ ކަމަށެވެ. އެ އެކްސިޑެންޓް ހިނގާފައިވަނީ ހަވީރު 3:40 ހާއިރުކަމަށް ފުލުހުންނަށް ރިޕޯޓްކޮށްފައިވާ ކަމަށެވެ.
އަދި މި އެކްސިޑެންޓުގައި ސައިކަލް ދުއްވި މީހާ އަދި ޕިކަޕް ދުއްވި މީހާއަށް އަނިޔާވެގެން އަބްދުއްސަމަދު މެމޯރިއަލް ހޮސްޕިޓަލުގައި ފަރުވާދެމުން އަންނަ ކަމަށް ވެސް ފުލުހުން ބުނެއެވެ.
ފުލުހުން ބުނީ މި އެކްސިޑެންޓުގެ މައްސަލަ ތަހުގީގުކުރަމުން އަންނަ ކަމަށެވެ.
