ރަހީނުން ބަދަލުކުރުމުގެ މަސައްކަތް ފަށައިފި
24 ނޮވެމްބަރު 2023 | ހުކުރު 17:27ޣައްޒާއިން ބޭރަށް 24 ރަހީނުން ވަނީ ގެންގޮސްފައި
އައިސީއާރުސީ ވޭނެއްގައި ރަހީނުން ގެންދަނީ
ޣައްޒާގައި ރަހީނުން ބަދަލުކުރުމުގެ މަސައްކަތް ފަށައިފިއެވެ.
އިންޓަނޭޝަނަލް ރެޑްކްރޮސް އިން ހުކުރު ދުވަހު ބުނެފައިވަނީ ޣައްޒާގައި ބަންދުކޮށްފައިވާ ރަހީނުންނާއި ފަލަސްތީނުގެ ބަންދު މީހުން ދޫކޮށްލުމަށް މަގުފަހިކޮށްދިނުމުގެ އޮޕަރޭޝަނެއް ހިންގަން ފަށާފައިވާ ކަމަށެވެ.
ތަރުޖަމާނަކު ކަށަވަރުކޮށްދިން ގޮތުގައި ޣައްޒާއިން ބޭރަށް 24 ރަހީނުން ބަދަލުކޮށް ރަފާހު ބޯޑަރު ހުރަސްކޮށް މިސްރުގެ ކަމާބެހޭ ފަރާތްތަކާ ހަވާލުކޮށްފައިވެއެވެ. އޭނާ ވިދާޅުވީ އެމީހުންނާއެކު އިންޓަނޭޝަނަލް ކޮމިޓީ އޮފް ރެޑްކްރޮސް (އައިސީއާރުސީ)ގެ 8 މުވައްޒަފަކު ހަތަރު ކާރެއްގައި އެ މަސައްކަތް ކުރަމުން އަންނަ ކަމަށެވެ.
މިކަމާއި ގުޅޭ އިތުރު ތަފްސީލެއް ހާމަކޮށްފައެއްނުވެއެވެ. އައިސީއާރުސީން ބުނަނީ މި އޮޕަރޭޝަންގައި ޣައްޒާއަށް ބޭނުންވާ އިތުރު އެހީތައް ފޯރުކޮށްދިނުން ވެސް ހިމެނޭ ކަމަށެވެ.
