އަންގާރަ 25 ޖޫން 2019
09 އަދަ
1440 ޝައްވާލް 21
ފަތިސް 04:37
އިރުއަރާ 05:56
މެންދުރު 12:12
އަސްރު 15:36
މަޣްރިބް 18:21
އިޝާ 19:40
ދުނިޔެ - އެމްއެޗް 370

އެމްއެޗް 370 ހޯދުމުގެ މަސައްކަތް ހުއްޓާލައިފި

  • ފްލައިޓް އެމްއެޗް 370 ގެެއްލިފައިވަނީ ބެއިޖިންއިން ފުރައިގެން ކުއާލަ ލަމްޕޫރަށް ދަތުރުކުރަމުން ދަނިކޮށް 2014 ވަނަ އަހަރު

އަބުދުﷲ މުހައްމަދު
8Abbo

ކ. މާލެ 17 ޖެނުއަރީ 2017 | އަންގާރަ 18:10 2,384

އާއިލާތަކުން ބުނީ އެއީ "ޒިންމާދާރުކަން ކުޑަ"އަމަލެއް ކަމަށާއި އެ ނިންމުން ބަދަލު ކުރަން ޖެހޭކަމަށް - ގޫގުލް

މީގެ ތިން އަހަރު ކުރިިން 239 މީހުންނާއެކު ގެއްލުނު މެލޭޝިއަން އެއާލައިންގެ ފްލައިޓް އެމްއެޗް 370 ހޯދުމުގެ މަސައްކަތް ހުއްޓާލައިފިއެވެ.

 

އޮސްޓްރޭލިއާ، މެލޭޝިއާ އަދި ޗައިނާއިން ނެރެފައިވާ ބަޔާނެއްގައި ބުނެފައިވަނީ އެ ގޮތަށް ނިންމީ އިންޑިއާކަނޑުގެ 120،000 އަކަ ކިލޯ މީޓަރުގެ ސަރަހައްދެއް ބެލުމަށް ފަހު އެއްވެސް ނަތީޖާއެެއް ނުނެރެވުމުން ކަމަށް ހިތާމައާއެކު ދަންނަވާ ކަމަށެވެ.

ބޯޓުން ދަތުރުކުރި ފަރާތްތަކުގެ އާއިލާއިން ބުނީ އެއީ "ޒިންމާދާރުކަން ކުޑަ"އަމަލެއް ކަމަށާއި އެ ނިންމުން ބަދަލު ކުރަން ޖެހޭ ކަމަށެވެ.

 

ފްލައިޓް އެމްއެޗް 370 ގެެއްލިފައިވަނީ ބެއިޖިންއިން ފުރައިގެން ކުއާލަ ލަމްޕޫރަށް ދަތުރުކުރަމުން ދަނިކޮށް 2014 ވަނަ އަހަރުއެވެ.

 

މިހާތަނަށް ފެނުނު މަތިންދާ ބޯޓުގެ 20 އެތިކޮޅުގެ ތެރެއިން އެ ބޯޓްގެ ބައެއްކަމަށް ނުވަތަ އެބޯޓްގެ ބައެއްކަމަށްވުމުގެ ފުރުސަތުބޮޑު އެތިކޮޅަކަށް ފެނިފައިވަނީ އެންމެ ހަތް އެތިކޮޅެވެ.

 

މިދިއަ 2016 ވަނަ އަހަރު ނެރުނު ރިޕޯޓެއްގައި ބުނެފައިވަނީ މަތިން ތިރިއަށް ބާރަށް އައިސް އިންޑިއާ ކަނޑަށް ވެއްޓިފައި ވުމުގެ ފުރުސަތު ބޮޑުކަމަށެވެ. ނަމަވެސް އާ މައުލޫމާތެއް ލިބިއްޖެ ނަމަ ބޯޓް ހޯދުމުގެ މަސައްކަތް އަލުން ފަށާނެ ކަމަށް ބުުނެފައިވެއެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް