އެސްޓަން ވިލާ ގަދަ ހަތަރަކާ ދިމާއަށް!

އިނގިރޭސި ޕްރިމިއަރ ލީގުގައި ވެސްޓް ހޭމް އަތުން ބޮޑު މޮޅެއް ހޯދައިގެން, އެސްޓަން ވިލާއިން ގަދަ ހަތަރަކާ ކައިރިއަށް ޖެހިލައިފިއެވެ.

އަމިއްލަ ދަނޑުގައި 4-1 ން ވެސްޓް ހޭމް ޔުނައިޓެޑް ބަލިކުރި މެޗަށްފަހު, އެސްޓަން ވިލާއާ ގަދަ ހަތަރަކާ ދެމެދު އޮތީ ޕޮއިންޓެއްގެ ފަރަކެގެކެވެ. ތާވަލްގެ ތިންވަނާގައިވާ ލިވަޕޫލާއި, ހަތަރު ވަނާގައިވާ ޓޮޓެންހަމް އަށްވެސް ލިބިފައިވަނީ 20 ޕޮއިންޓެވެ. އެސްޓަން ވިލާ ފަސްވަނާގައި އޮތީ 19 ޕޮއިންޓާއެކުއެވެ. އެއްވަނާގައިވާ މެންޗެސްޓަރ ސިޓީއާއި, ދެވަނާގައިވާ އާސެނަލް އޮތީ 21 ޕޮއިންޓާއެކުއެވެ. އެހެންކަމުން ފުރަތަމަ 9 މެޗު ކުޅެނިމުނުއިރު އެސްޓަން ވިލާ ލީގަށް ވާދަކުރެވޭ ހިސާބުގައެވެ.

ވެސްޓްހޭމް އަތުން މޮޅުވި މެޗުގައި އެސްޓަން ވިލާއިން ޖެހި ހަތަރު ލަނޑުގެ ތެރެއިން ފުރަތަމަ ދެ ލަނޑު ޖެހީ ޑަގްލަސް ލުއިޒްއެވެ. އަނެއް ދެ ލަނޑު ޖެހީ ވަޓްކިންސްއާއި ބެއިލޭއެވެ. ވެސްޓް ހޭމް ގެ ހަމައެކަނި ލަނޑު ޖެހީ ބޮވެންއެވެ. ވެސްޓް ހޭމް އޮތީ 14 ޕޮއިންޓާއެކު 9 ވަނާގައެވެ.