ފަލަސްތީނަށް ދެމުންދާ ހަމަލާތަކުގައި އަނިޔާވާ މީހުންގެ 70% އަކީ ކުޑަކުދިންނާއި އަންހެނުން
ތަފާސް ހިސާބުތައް ބުނާ ގޮތުން އެންމެ ދުވަހެއްގެ ތެރޭގައި އެކަނި ވެސް އިސްރާއީލުން ވަނީ 471 މީހުން މަރާލާފަ
ފަލަސްތީން
އިސްރާއީލުން ފަލަސްތީނަށް ދެމުންދާ ހަމަލާތަކުގައި އަނިޔާވާ މީހުންގެ 70% އަކީ ކުޑަކުދިންނާއި އަންހެނުން ކަމަށް މީޑިއާ ރިޕޯޓްތަކުން ހާމަވެއްޖެއެވެ.
ރިޕޯޓްތައް ބުނާގޮތުން އިސްރާއިލުން ފަލަސްތީނުގެ ޣައްޒާ އަަށް ދެމުންދާ ހަމަލާތަކުގައި ނިޔާވި މީހުންގެ އަދަދު 3478 އަށް ވުރެ އިތުރެވެ. އަދި މިހާތަނަށް އައި އިރު ޒަހަމްވި މީހުން އަދަދު ވަނީ 12000 އަށް އަރާފައކަމަށް ޣައްޒާގެ ހެލްތް މިނިސްޓްރީން ވަނީ ބުނެފައެވެ. މިނިސްޓްރީގެ ތަރުޖަމާން އަޝްރަފް އަލްގެދްރާ ވިދާޅުވީ އިސްރާއިލްގެ ހަމަލާތަކުން ކުރާ ނޭދެވޭ އަސަރު އިންތިހާ އަށް ބޮޑުވެފައިވާ ކަމަށެވެ. އަދި އިސްރާއީލްގެ ލާއިންސާނީ އަނިޔާތައް ހުއްޓުވޭނެ ގޮތެއް ނެތި ފަލަސްތީނުގެ މުޅި ވުޖޫދު ސުވާލުމާކެއްގެ ތެރެއަށް ގޮސްފައިވާ ކަމަށް އޭނާ ވިދާޅުވިއެވެ.
އަދި ޒަހަމްވި މީހުންގެ ތެރޭގައި ކުށެއް ނެތް ކުޑަކުދިންނާއި އަންހެނުން އަދި އުމުރުން ދުވަސްވީ މީހުން ގިނަ ވުމަކީ އެއީ އިސްރާއިލުގެ އަނިޔާވެރިކަން ހާމަވާ ކަމެއް ކަމަށް ވެސް އޭނާ ވިދާޅުވިއެވެ. މިހާތަނަށް މި ހަމަލާތަކުގެ އަސަރު 433 އާއިލާ އަށް ކޮށްފައިވާ ކަމަށް ވެސް އޭނާ ވިދާޅުވިއެވެ. އަދި 2421 މީހުން ހޮސްޕިޓަލްތަކަށް ގެންދިއުމުގެ މަސައްކަތް ކުރަމުންދާ އިރު ސުންނާފަތިވެފައިވާ ގެތަކުގެ ދަށުގައި ތާށިވެފައި ވެސް އެތައް ބަޔަކު ތިބި ކަމަށް އޭނާ ވިދާޅުވިއެވެ.
ތަފާސް ހިސާބުތައް ބުނާ ގޮތުން އެންމެ ދުވަހެއްގެ ތެރޭގައި އެކަނި ވެސް އިސްރާއީލުން ވަނީ 471 މީހުން މަރާލާފައެވެ.
