raajjemv logo
ޓާކިޝް އެއާލައިންސް
ޓާކިޝް އެއާލައިންސް ގެ ކާގޯ ފްލައިޓް ވެއްޓުނު ހާދިސާގައި މަރުވި މީހުންގެ އަދަދު 37 ކަށް އަރައިފި
 
ރިޕޯޓުތައް ބުނާގޮތުން ކަމާބެހޭ ފަަރާތްތަކުން ބޯޓުވެއްޓުނު ހާދިސާ ތަހުގީގު ކުރުމުގައި އެންމެ ބޮޑު ފޯކަސްއެއް މިހާރު ދެނީ މޫސުން ގޯސްވުމާއި އަދި ކްރޫއިންނަަށް ގޯހެއް ހެދުނުތޯ ބެލުމަށް
އަހުމަދު އަނޫޝު
3,765
ކ. މާލެ |
17 ޖެނުއަރީ 2017 | އަންގާރަ 16:51
ޓާކިޝް އެއާލައިންސްގެ ފްލައިޓެއް
ގޫގުލް

ޓާކިޝް އެއާލައިންސްގެ ކާގޯ ފްލައިޓެއް ކިރިގިސްތާނަށް ވެއްޓުނު ހާދިސާގައި މަރުވި މީހުންގެ އަދަަދު 37 ކަށް އަރައިފި ކަމަށް ރިޕޯޓުތައް ބުނެފިއެވެ.

ބޮއިން 747 މަރުކާގެ ބޯޓު ވެއްޓުނީ ގަދަ ދުންފިނީގެ ތެރޭގައި ބޯޓު ޖައްސަން އުޅެނިކޮށް ކަމަށްވާއިރު މަރުވި ގިނަ މީހުންނަކީ ބޯޓު ވެއްޓުނު ވިލެޖަށް ނިސްބަތްވާ މީހުންނެެވެ. އެގޮތުން ބޯޓުގައި ތިބީ ހަމައެކަނި ބޯޓުގެ ހަތަރު ކްރޫއިން ކަމަށްވާއިރު އެ ހަތަރު މީހުންވެސް ވަނީ މަރުވެފައެވެ. ދެން މަރުވި އެންމެންނަކީ ވެސް ބިންމަތީގައި ތިބި މީހުންނެވެ.

ބޮއިން 747 މަރުކާގެ ޓާކިޝް އެއާލައިންސްގެ ބޯޓު ވެއްޓުނީ ކިރިގިސްތާނުގެ ވެރިރަށް ބިޝެކްގެ އުތުރުން 25 ކިލޯމީޓަރު ދުރުގައި އޮންނަ މަނަސް އެއާޕޯޓުގެ ކައިރީގައިވާ ގެތަކަށެވެ. ބޯޓު މަނަސް އެއާޕޯޓަށް ޖައްސަން އުޅުނީ ހޮންކޮން އިން ފުރައިގެން ތުރުކީގެ އިސްތަންބުލް އަށް ދަތުރު ކުރުމުގެ ތެރެއިންނެވެ.

ރިޕޯޓުތައް ބުނާގޮތުން ކަމާބެހޭ ފަަރާތްތަކުން ބޯޓުވެއްޓުނު ހާދިސާ ތަހުގީގު ކުރުމުގައި އެންމެ ބޮޑު ފޯކަސްއެއް މިހާރު ދެނީ މޫސުން ގޯސްވުމާއި އަދި ކްރޫއިންނަަށް ގޯހެއް ހެދުނުތޯ ބެލުމަށެވެ.

ހާދިސާ ހިނގީ ހޯމަދުވަހު ޖީއެމްޓީ ގަނޑިން މެންދަމު 1:30 ހާއިރެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: އަލީ ޔޫސުފް
0%
އަންތަރީސް ވެއްޖެ
0%
އުފާ ވެއްޖެ
0%
ދެރަ ވެއްޖެ
0%
ރުޅި ގަދަ ވެއްޖެ
0%
މޮޔަވެއްޖެ
0%
ލިޔުން ރަނގަޅު
ކޮމެންޓް