2030 ވަނަ އަހަރުގެ ވޯލްޑްކަޕް ކުޅެންވާނީ ދެކުނު އެމެރިކާގައި ކަމަށް ބުނެ ފީފާގެ ކުރީގެ ރައީސް ސެޕް ބެލްޓާ ދުނިޔޭގެ ފުޓްބޯޅަ ޖަމިއްޔާ އަށް ފާޑުކިޔައިފި އެވެ.

ފީފާގެ ރައީސްކަން 18 އަހަރު ކުރި ރައީސްގެ ފާޑުކިއުންތައް ކުރިމަތިވީ 2030ގެ މުބާރާތް ހަ ގައުމެއްގައި ކުޅެން ފީފާއިން ނިންމުމުންނެވެ. އެއީ ޕޯޗުގަލް އާއި ސްޕޭން އަދި މޮރޮކޯ އާއި ދެކުނު އެމެރިކާއިން އުރުގުއޭ އާއި އާޖެންޓީނާ އަދި ޗިލީގަ އެވެ. މިކަމާ ގުޅިގެން ބްލެޓާ ބުނީ ވޯލްޑްކަޕް ހަ ގައުމެއްގައި ކުޅުމަކީ މުބާރާތުގެ ތާރީހާއި އާދަކާދައާ ފުށުއެރުމެއް ކަމަށެވެ. އަދި މިއީ ދަތުތުފަތުރާއި މާހައުލުގެ ގޮތުން ބަލާއިރު ވެސް ކުރަންނުޖެހޭ އަދި ވަރަށް ތާކުންތާކު ނުޖެހޭ ނިންމުމެއް ކަމަށެވެ.

2030 ވަނަ އަހަރަކީ ވޯލްޑްކަޕް ބާއްވަން ފެށިތާ 100 އަހަރު ފުރޭ އަހަރެވެ. މިހެންވެ ބްލެޓާ ބުނީ އެ މުބާރާތް ބާއްވަންޖެހޭނީ ދެކުނު އެމެރިކާގައި ކަމަށެވެ. ސަބަބަކީ ވޯލްޑްކަޕުގެ ފެށުން އައީ 1930ގައި ދެކުނު އެމެރިކާގެ އުރުގުއާއީން ކަމަށްވުމެވެ.