ސަސް އިން ޔޫވީ ބަލިކޮށްފި
ގަލޮޅު ރަސްމީ ދަނޑުގައި ކުޅުނު މެޗު ސަސް އިން ކާމިޔާބު ކުރީ 2-0 ގެ ނަތީޖާ އަކުން
ދިވެހި ޕްރިމިއާ ލީގުގައި ސަސް އާއި ޔޫވީ ކުޅުނު މެޗުގެ ތެރެއިން
ދިވެހި ޕްރިމިއާ ލީގުގައި ޔުނައިޓެޑު ވިކްޓްރީ (ޔޫވީ)އާ ދެކޮޅަށް ކުޅުނު މެޗުން ސުޕަ ޔުނައިޓެޑު ސްޕޯޓްސް (ސަސް) މޮޅުވެއްޖެ އެވެ.
ހޯމަ ދުވަހުގެ ރޭ ގަލޮޅު ރަސްމީ ދަނޑުގައި ކުޅުނު މެޗު ސަސް އިން ކާމިޔާބު ކުރީ 2-0 ގެ ނަތީޖާ އަކުންނެވެ. މެޗުގައި އެންމެ ފުރަތަމަ ސަސް އިން ލަނޑު ޖަހައި ލީޑު ނެގީ މެޗުގެ 29 ވަނަ މިނެޓުގަ އެވެ. އެއީ އަޙުމަދު ހަމީދު (އައްމަޑޭ) ޖަހައިދިން ލަނޑުންނެވެ. ސަސްގެ ދެ ވަނަ ލަނޑު އެ ޓީމުން ޖެހީ ދެ ވަނަ ހާފުގަ އެވެ. ދެ ވަނަ ހާފު ފަށައިގެން ހަތަރު ވަނަ މިނެޓުގައި އެ ލަނޑު އެ ޓީމަށް ޖަހައިދިނީ އިބްރާހީމް އަތީގް ޙަސަން (އިއްބެ) އެވެ.
ލީގުގެ ކުޅުން އަންގާރަ ދުވަހު ވެސް ކުރިއަށްދާނެ އެވެ. އަންގާރަ ދުވަހުގެ ރޭ ބުރު ސްޕޯޓްސް ކުލަބު ނުކުންނާނީ ޓީސީ ސްޕޯޓްސް ކުލަބާ ދެކޮޅަށެވެ.
