މޮޅާއެކު ޔޫވީ އިން ވަނީ މިހާތަނަށް ކުޅެފައިވާ 11 މެޗުން 28 ޕޮއިންޓު ހޯދައި، ދެ ވަނައިގައި ހަމަ ޖެހިލައިފަ. ހަމަ އެ އަދަދަށް މެޗު ކުޅެގެން އެއް ވަަނައިގައި އޮތް އެންމެ ފަހުގެ ޗެމްޕިއަން މާޒިޔާ ސްޕޯޓްސް އެންޑް ރެކްރިއޭޝަން އަށް 31 ޕޮއިންޓު ލިބޭއިރު، މާޒިޔާ އާއި އޮޑިއާ ދެމެދު އޮތީ މިހާރު ތިން ޕޮއިންޓުގެ ފަރަގެއް.
މެޗުގައި ލަނޑު ޖެހުމަށް ފަހު އޮޑީގެ ކުޅުންތެރިން އުފާ ފާޅު ކުރަނީ
ދިރާގު ދިވެހި ޕްރިމިއާ ލީގުގެ ދެ ވަނަ ބުރުގައި ޔުނައިޓެޑު ވިކްޓަރީ (ޔޫވީ)އާ ދެކޮޅަށް ކުޅުނު މެޗުން މޮޅުވެ، އޮޑި ސްޕޯޓްސް ކުލަބުން ފަރަގު ކުޑަ ކޮށްފި އެވެ.
ހުކުރު ދުވަހުގެ ހަވީރު ގަލޮޅު ރަސްމީ ދަނޑުގައި ކުޅުނު މެޗު އޮޑިން ކާމިޔާބު ކުރީ 5-1 އިންނެވެ. މެޗުގެ ފުރަތަމަ ހާފުގައި އޮޑިން އެއް ލަނޑު ޖެހިއިރު، އަނެއް ހަތަރު ލަނޑު އެ ޓީމުން ޖެހީ ދެ ވަނަ ހާފުގަ އެވެ. އަދި ފަހު ހާފުގައި ޔޫވީ އިން ވެސް ވަނީ ލަނޑެއް ޖަހައިފަ އެވެ.
މެޗުގެ ފުރަތަމަ ހާފުގެ 27 ވަނަ މިނެޓުގައި އޮޑި އަށް ލީޑު ލިބުނީ ޔޫވީގެ މުޙައްމަދު ސަމްހާން އަތުން ބައި ކޮޅަށް ވަތް ލަނޑުންނެވެ. ފުރަތަމަ ހާފު ނިމުމުގެ ކުރިން އޮޑީގެ ދެ ވަނަ ލަނޑު ޖަަހައި ލީޑު ފުޅާ ކޮށްދިނީ ބިދޭސީ ކުޅުންތެރިޔާ ކަރޮލިސް ލަައުކްޒެމިސް އެވެ. އެއާ އެކު އޮޑިން ފުރަތަމަ ހާފު ނިންމާލީ ދެ ލަނޑުގެ ލީޑުގައި އޮވެގެންނެވެ.
މެޗުގެ ދެ ވަނަ ހާފު ފަށައިގެން ތިން ވަނަ މިނެޓުގައި ކަރޮލިސް ވަނީ އޮޑީގެ ތިން ވަނަ ލަނޑު ޖަހައިފަ އެވެ. އޭގެ ފަހުން މެޗުގެ 57 ވަނަ މިނެޓުގައި އޮޑީގެ ހަތަރު ވަނަ ލަނޑު ޖަހައި އިތުރަށް ލީޑު ފުޅާ ކޮށްދިނީ މުޒްދާން ޙަސަން އެވެ. އޭގެ ފަސް މިނެޓު ފަހުން އަޙުމަދު އައިހަމް ވަނީ އޮޑީގެ ފަސް ވަނަ ލަނޑު ޖަހައިފަ އެވެ.
މެޗުގައި ޔޫވީގެ ހަމަ އެކަނި ލަނޑު އެ ޓީމުން ޖެހީ މެޗުގެ 73 ވަނަ މިނެޓުގަ އެވެ. އެ ލަނޑު އެ ޓީމަށް ޖަހައިދިނީ ބިދޭސީ ކުޅުންތެރިޔާ ސްތަފާ އަލީ އަލް ޝާޒްލީ އެވެ. މިއީ ޔޫވީގެ ކުޅުންތެރިޔަކު ތަނަވަަސްކޮށްދިން ފުރުސަތެއްގައި ލިބުނު ބޯޅަ ބޮލުން ޖަހައި ގޯލަށް ވައްދާލައިގެން އޭނާ ޖެހި ލަނޑެކެވެ.
މޮޅާއެކު ޔޫވީ އިން ވަނީ މިހާތަނަށް ކުޅެފައިވާ 11 މެޗުން 28 ޕޮއިންޓު ހޯދައި، ދެ ވަނައިގައި ހަމަ ޖެހިލައިފަ އެވެ. ހަމަ އެ އަދަދަށް މެޗު ކުޅެގެން އެއް ވަަނައިގައި އޮތް އެންމެ ފަހުގެ ޗެމްޕިއަން މާޒިޔާ ސްޕޯޓްސް އެންޑް ރެކްރިއޭޝަން އަށް 31 ޕޮއިންޓު ލިބޭއިރު، މާޒިޔާ އާއި އޮޑިއާ ދެމެދު އޮތީ މިހާރު ތިން ޕޮއިންޓުގެ ފަރަގެކެވެ.
