ސްޕެނިޝް ލީގުގެ ފަހު މެޗުގައި ސެލްޓަ ވީގޯ އަތުން ބަލިވެ ޗެމްޕިއަން ބާސެލޯނާ ސީޒަން ނިންމާލަން ޖެހުނީ ބައްޔަކާއެކުއެވެ.
އާދިއްތަަ ދުވަހުގެރޭ ސެލްޓަ ވީގޯގެ ދަނޑުގައި ކުޅުނު މެޗުން ބާސެލޯނާ ބަލިވެފައިވަނީ 2-1 ގެ ނަތީޖާއަކުންނެވެ. މެޗުގެ ފުރަތަމަ ހާފު ނިމެން ތިން މިނެޓަށް ވެފައިވަނިކޮށް ސެލްޓަ ވީގޯގެ ގެބްރިއެލް ވެއިގާ ވަނީ ލަނޑެއް ޖަހާ ޓީމަށް ލީޑު ނަގައިދީފައެވެ. އެ ޓީމުން ފުރަތަމަ ހާފު ނިންމާލީ އެއް ލަނޑުގެ ފަރަގަކާއެކު ހަމަޖެހިލައިގެނެވެ.
ދެވަނަ ހާފު ފެށިގެން 65 ވަނަ މިނެޓުގައި ވިއެގާ ވަނީ އިތުރު ލަނޑެއް ޖަހާ، ޓީމަށް ލީޑު ފުޅާކޮށްދީފައެވެ. ބާސެލޯނާގެ ހަމައެކަނި ލަނޑު މެޗުގެ 79 ވަނަ މިނެޓުގައި ޖަހާދިނީ އަންސޫ ފާޓީއެވެ.
މެޗުން މޮޅުވި ސެލްޓަ ވީގޯ ވަނީ ރެލިގޭޝަނުން ސަލާމަތްވެ، 13 ވަނައަށް ޖެހިލާފައެވެ. ބާސެލޯނާ ސީޒަން ނިންމާލީ 88 ޕޮއިންޓާއެކުއެވެ.
