ކ. މާލެ
|
2 މެއި 2017 | އަންގާރަ 12:45
ޔުނައިޓެޑްގެ ފޯވާޑް ޒްލަޓަން އިބްރާހިމޮވިޗް
ޔުނައިޓެޑްގެ ފޯވާޑް ޒްލަޓަން އިބްރާހިމޮވިޗް
ގެޓީ އިމޭޖަސް
އިބްރާހިމޮވިޗްގެ އަނިޔާ
އިބްރާހިމޮވިޗް އަށް ލިބުނު އަނިޔާއާއެކު ކެރިޔަރު ނިންމާލަން ނުޖެހޭ: އެޖެންޓް
 
މި ސީޒަނަށްފަހު ޔުނައިޓެޑާއެކު އިބްރާހިމޮވިޗް ހަދާފައިވާ އެއްބަސްވުން ހަމަވާނެ
 
އަންނަ ސީޒަނުގައި ޔުނައިޓެޑްގެ ޖޯޒީގައި އިބްރާހިމޮވިޗް ފެންނާނެކަމާ މެދު ސުވާލުއުފެދޭ
 
އަނިޔާއިން ސަލާމަތްވުމަށްފަހު އިބްރާހިމޮވިޗް އަލުން ކުޅުމުގެ ތެރެއަށް އަންނާނެ

މެންޗެސްޓަރ ޔުނައިޓެޑަށް ކުޅެމުން އަންނަ ސްވިޑެންގެ ކުރީގެ ކެޕްޓަން ޒްލަޓަން އިބްރާހިމޮވިޗް އަށް ލިބުނު އަނިޔާއާއެކު އޭނާ ކެރިޔަރު ނިންމާލަން ނުޖެހޭ ކަމަށް އެޖެންޓް މިނޯ ރިއޯލާ ބުނެފިއެވެ.

 

ހޯމަ ދުވަހު ނެރުނު ސްޓޭޓްމެންޓެއްގައި ރިއޯލާ ބުނީ އިބްރާހިމޮވިޗްގެ ކަކުލު ހުޅަށް ލިބުނު އަނިޔާއަކީ ކެރިޔަރު ނިންމާލަންޖެހޭފަދަ އަނިޔާއެއް ނޫން ކަމަށާއި، އެ އަނިޔާއިން ސަލާމަތްވުމަށްފަހު އިބްރާހިމޮވިޗް އަލުން ކުޅުމުގެ ތެރެއަށް އަންނާނެ ކަމަށެވެ.

 

ރިއޯލާ ބުނީ ޑޮކްޓަރުންގެ އިރުޝާދާއެކު އިބްރާހިމޮވިޗް އަނިޔާއިން ސަލާމަތްވުމަށް މަސައްކަތްކުރަމުން އަންނަ ކަމަށާއި، އަނިޔާއާ ގުޅޭ އިތުރުމައުލޫމާތު ފަހުން ހާމަކުރާނެ ކަމަށެވެ.

 

ރިއޯލާ ނެރުނު މި ސްޓޭޓްމެންޓުގައި ކުރިޔަށް އޮތް ސީޒަނުގައިވެސް އިބްރާހިމޮވިޗް ޔުނައިޓެޑްގެ ޖޯޒީގައި ފެނިގެންދާނެ ވާހަކައެއް ނެތެވެ. މިވަގުތު އަނިޔާގައި ހުރި އިބްރާހިމޮވިޗް އަށް ސީޒަން ނިމިފައިވާއިރު، އޭނާ ޔުނައިޓެޑާއެކު އެއްބަސްވުން ހެދީވެސް މި ސީޒަނުގެ ނިޔަލަށެވެ.

 

އެގޮތުން އިބްރާހިމޮވިޗް ޔުނައިޓެޑާއެކު އާ އެއްބަސްވުމެއް ހަދާނެކަމާމެދު ސުވާލުއުފެދޭ އިރު، އޭނާ ހޯދުމަށް ގިނަ ކްލަބްތަކުން އަންނަނީ މަސައްކަތްކުރަމުންނެވެ. އޭގެ ތެރޭގައި ޗައިނާ، ޖަރުމަން އަދި އެމެރިކާގެ ކްލަބްތައްވެސް ހިމެނެއެވެ.

 

އިބްރާހިމޮވިޗް ވަނީ ޕެރިސް ސެއިންޓް ޖާމަން (ޕީއެސްޖީ) ދޫކޮށްލުމަށް ފަހު، މި ސީޒަނުގައި ޔުނައިޓެޑަށް ބަދަލުވެ އެޓީމުގައި މޮޅު ކުޅުމެއް ދައްކާފައެވެ. އެގޮތުން އޭނާ ވަނީ މިހާތަނަށް ހުރިހާ މުބާރާތެއްގައި އެޓީމަށް ޖުމްލަ 28 ލަނޑު ކާމިޔާބުކޮށްދީފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަހުމަދު ފައިރޫޒު
0%
0%
0%
0%
0%
0%
ކޮމެންޓް