ސްޓޭޑިއަމް ތެރޭގައި ސަޕޯޓަރެއް މަރުވުމުން ރިވާ ޕްލޭޓް މެޗު ހުއްޓާލައިފި

އާޖެންޓީނާގެ ކްލަބް ރިވަރ ޕްލޭޓްގެ މާސް މޮނިއުމަންޓަލް ސްޓޭޑިއަމްގައި ހޮނިހިރު ދުވަހު ޑިފެންސާ ޖަސްޓިޝިއާއާ ދެކޮޅަށް ކުޅުނު މެޗުގައި ސްޓޭންޑަކުން ވެއްޓި ސަޕޯޓަރަކު މަރުވުމުން މެޗު ހުއްޓަލައިފިއެވެ.

މެޗުގެ 26 ވަނަ މިނެޓުގައި މެޗު މެދުކަނޑާލައި، އެ ހާދިސާއާ ގުޅިގެން ސްޓޭޑިއަމް ވަނީ ހުސްކޮށްފައެވެ. އެ ކުލަބުން ބުނި ގޮތުގައި އެއްވެސް އަނިޔާވެރިކަމެއް ނުވަތަ ތިންވަނަ ފަރާތެއްގެ ބައިވެރުވުމެއްނެތެވެ.

ރިވާ ޕްލޭޓުން ނެރުނު ބަޔާނުގައި ބުނެފައިވަނީ ސިވޯރީ އަލްޓާ ސްޓޭންޑުން ސަޕޯޓަރަކު ވެއްޓި މަރުވެފައިވާކަމަށާ ފުލުހުންނާއި ސަލާމަތީ އެކިއެކި އިދާރާތަކުން ވެސް ވަގުތުން އެ ސަރަހައްދަށް ދިޔަކަމަށެވެ. އަދި އެ ސްޓޭންޑުގެ ޖާގައިގެ 90 އިންސައްތަ ފުރިފައިވާކަމަށް ކުލަބުގެ ބަޔާނުގައި ބުނެފައިވެއެވެ. ބަޔާން ނެރުނުފަހުން ކުލަބުން ހާމަކޮށްފައިވާ ގޮތުގައި މަރުވެފައިވަނީ ޕަބްލޯ މާސެލޯ ސެރާނޯ ނަމަކަށް ކިޔާ ސަޕޯޓަރެކެވެ.

މިކަމާ ގުޅިގެން ސެކިއުރިޓީ އެޖެންސީތަކާއި ފިސްކަލް ޔުނިޓް ސްޕެޝަލައިޒްޑް އިން މާސް އިވެންޓްސް އިންވަނީ ތަހުގީގުތައް ފަށާ، ހެކި ހޯދުމަށް ސްޓޭންޑް 24 ގަޑިއިރަށް ބަންދުކޮށްފައެވެ.