ކްރިކެޓް ބޯޑް އޮފް މޯލްޑިވްސްއިން އިންތިޒާމުކޮށްގެން ކުރިއަށް ގެންދާ 15 ވަނަ ރަމަޟާން ކްރިކެޓް ކާނިވަލްގައ އަނގާރަ ދުވަހު ކުޅުނު މެޗުތަށް އެޗްޑީސީ އާއި ޝުގަރ ކޯން އިން ކާމިޔާބުކޮށްފިއެވެ.

10 ޓީމު ދެ ގުރޫޕަކަށް ބަހާލައިގެން ކުރިއަށް ގެންދާ މި މުބާރާތުގައި މިހާތަނަށް 12 މެޗު ކުޅެފައި ވާއިރު، އަންގާރަ ދުވަހު ކުޅެފައިވަނީ އޯޕަން ޓޭޕް ބޯލްގެ 2 މެޗެވެ.

ފުރަތަމަ މެޗުގައި ރިވާސް ބާބާގެ މައްޗަށް އެޗްޑިސީއިން ކުރިހޯދާފައިވަނީ 20 ލަނޑުންނެވެ. މެޗުގައި ފުރަމަަތަ ކުޅެން އަރާފައިވަނީ އެޗްޑީސީއެވެ. އެޓީމުން ވަނީ 8 އޯވަރުގެ ތެރޭގައި 3 ކުޅުންތެރިން ނުބައިވެގެން 117 ލަނޑު ހަދާފައެވެ. ޖަވާބުގައި ރިވާސް ބާބާއިން ކުޅެންއަރާ 8 އޯވަރުގެ ތެރޭގައި 3 ކުޅުންތެރިން ނުބައިވެގެން އެޓީމަށް ހެދިފައިވަނީ 94 ލަނޑެވެ.

ދެވަނަ މެޗުގައި އަކުންބަކުންނާއި ޝިގަރ ކޯއިން ބައްދަލުކުރި އިރު، ޓޮސް ދިމާވުމުން އަކުންބަކުން ޓީމުން ނިންމީ ކުޅޭށެވެ. އެގޮތުން އެޓޯމުން ވަނީ 8 އޯވަރުގެ ތެރޭގައި 7 ކުޅުންތެރިން ނުބައިވެގެން 99 ލަނޑު ހަދާފައެވެ. ޖަވާބުގައި ކުޅެންއަރާ ޝުގަރ ކޯންއިން ވަނީ 8 އޯވަރުގެ ތެރޭގައި 101 ލަނޑު ހަދައި މެޗް ކާމިޔާބުކޮށްފައެވެ.

މި ކާނިވަލްގައި ބުދަ ދުވަހުވެސް ކުޅުމަށް ހަމަޖެހިފައިވަނީ އޯޕަން ޓޭޕްބޯލްގެ މެޗުތަކެވެ. ފުރަތަމަ މެޗުގައި ކޭޑީއެމް އާއި މެރިކާނޯ ބައްދަލުކުރާއިރު، ދެވަމަ މެޗުގައި ބައްދަލުކުރަނި ވަންއޯވަން އާއި ލެޝަރ ކާގޯއެވެ.

ކުޅިވަރު އެކުވެނީގެ ކްރިކެޓް ދަނޑުގައި ކުޅުމަށް ހަމަޖެހިފައިވާ މި މެޗުތައް ފަށާނީ 16:05 ގަ އެވެ.