ޑރ. ޒާހިރު ހުސެއިން އެޑިއުކޭޝަންގެ އެޑްވައިޒަރުގެ މަގާމުން ވަކިކޮށްފި
8 ޖުލައި 2017 | ހޮނިހިރު 08:02ޑރ. މުހައްމަދު ޒާހިރު ހުސެއިން މަޤާމުން ވަކިކުރައްވާފައިވަނީ މިއަދުގެ ވަގުތެއްގައި
ޑރ. މުހައްމަދު ޒާހިރު ހުސެއިން (ވ) ގައި އިސްލާމިކް މިނިސްޓްރީގެ ޗާންސެލަރ ޝަމީމާއެކުގައި
އެޑިއުކޭޝަން މިނިސްޓްރީގެ މުޝީރުކަމުގެ މަޤާމުގައި ހުންނެވި ޑރ. މުހައްމަދު ޒާހިރު ހުސެއިން، އެ މަޤާމުން ވަކިކުރައްވައިފި އެވެ.
ރާއްޖެއެމްވީއަށް އިތުބާރުހުރި މަސްދަރުތަކުން އެނގިފައިވާ ގޮތުގައި ޑރ. މުހައްމަދު ޒާހިރު ހުސެއިން މަޤާމުން ވަކިކުރައްވާފައިވަނީ ހޮނިހިރު ދުވަހުގެ ވަގުތެއްގައެވެ. އަދި މަޤާމުން ވަކިކުރެއްވިކަން އަންގާ އޭނާއަށް ޗިޓްވެސް ހަވާލުކޮށްފައިކަން ރާއްޖެއެމްވީއަށް ވަނީ އެނގިފައިވެއެވެ.
ކުރީގެ ރައީސް މައުމޫން އަބްދުލްގައްޔޫމްގެ ކެބިނެޓުގައި އެޑިއުކޭޝަނާއި ޔޫތު މިނިސްޓަރުކަން ވެސް ކުރެއްވި ޒާހިރު މީގެކުރިން ހުންނެވީ، އިސްލާމިކް ޔުނިވާރސިޓީގެ ޗާންސެލަރުކަމުގެ މަޤާމުގައެވެ. އިސްލާމިކް ޔުނިވާރސިޓީގެ ޗާންސެލަރު ކަމަށް ބަދަލުކުރެއްވުމުގެ ކުރިން ޑރ. ޒާހިރު ހުސެއިން ހުންނެވީ ޤައުމީ ޔުނިވާރސިޓީގެ ޗާންސެލާރގެ މަޤާމުގައެވެ.
