އުމުރުން 29 އަހަރު، 78 ފަހަރު ހައްޔަރަށް
9 އެޕްރީލު 2023 | އާދީއްތަ 03:54އޭނާގެ ބަންދުގެ މުއްދަތު ހަމަވާނީ 23 އޭޕްރީލް 2023 ގައި
ކްރިމިނަލް ކޯޓް
އުމުރުން 29 އަހަރުގެ ފިރިހެނަކު 78 ވަނަ ފަހަރަށް ހައްޔަރުކޮށްފިއެވެ.
މާލެއަށް ނިސްބަތްވާ އެ ޒުވާނާއަކީ ކުށުގެ ވެށީގައި އުޅޭ މީހެއްކަން ފުލުހުންގެ ލޮގްތަކުން އެނގޭކަމަށާއި، އޭނާ 78 ފަހަރަށް ހައްޔަރު ކޮށްފައިވާކަމަށް ކްރިމިނަލް ކޯޓުން ބުނެއެވެ.
މިފަހަރު އޭނާ ހައްޔަރުކޮށްފައިވަނީ ފޭރުމުގެ މައްސަލައެއްގައެވެ. އޭނާ ހައްޔަރުކޮށް ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ކޯޓުން ވަނީ އޭނާގެ މައްޗަށް ތުހުމަތު ކުރެވޭ މިންވަރަށް އެކަށީގެންވާ ހެކި ހުރިކަމަށް ނިންމައި އޭނާ 15 ދުވަހަށް ބަންދު ކުރުމަށް އަމުރުކޮށްފައެވެ.
އޭނާގެ ބަންދުގެ މުއްދަތު ހަމަވާނީ 23 އޭޕްރީލް 2023 ގައެވެ.
އޭގެ އިތުރުން، ހާދިސާގެ ރިޕޯޓާއި، ތަހުގީގު ކުރި ފަރާތުގެ ބަޔާނަށް ބަލާއިރު، އޭނާގެ މައްޗަށް ތުހުމަތު ކުރެވޭ ކުށް ކުރިކަމަށް ކޮންމެވެސް މިންވަރަކަށް ހެކި ލިބިފައިވާކަމަށް ކޯޓު އަމުރުގައި ބަޔާންކޮށްފައިވެއެވެ.
ކްރިމިނަލް ކޯޓުގައި މި އަމުރު ނެރުއްވީ ގާޒީ ޙަސަން ސައީދުއެވެ.
