ވަކި މީހަކަށް ބެލުމެއް ނެތި ވަލީދު ސޫޕް ބަހާތާ 10 އަހަރު!

ރަމަޟާން މަހަކީ އެ މަހެއްގައި ހެޔޮ ޢަމަލު ކުރުން ވީހާވެސް ގިނަ ކުރުމަށް މުސްލިމުން އަޚުންނާ އަޚުތުން، ގަދަ އަޅާ މަސައްކަތް ކުރާ މައްސަރެކެވެ. ބަރަކާތުން ފުރިގެންވާ މި މާތް މައްސަރުގައި، އެމީހަކަށް ވީ މިންވަރަކުން، އެނަކާއަށް ޞަދާޤާތް ކުރެވޭތޯ ބަލައެވެ. ރަމަޟާން މަހަކީ ދިރިއުޅުމުގެ އާދަތަކަށް ބޮޑު ބަދަލެއް އަންނަ މައްސަރަކަށް ވާ އިރު، އެކި މީހުންނަށް ޖެހޭ ބޭނުންތައްވެސް ތަފާތު ވާނެއެވެ.

ކޮންމެ އަހަރެއްގެވެސް ރަމަޟާން މަހާ ދިމާކޮށް، ގިނަ ޢަދަދެއްގެ ބަޔަކަށް، އެއްވެސް އަގަކާ ނުލާ، ސޫޕު ބަހަމުން އެ ދަނީ ޢުމުރުން 59 އަހަރުގެ ވަލި އަލް-ޚައްޠާބުއެވެ. ހުރިހާ ކޮޅަކުން ފިއްތާލާފައިވާ ޣައްޒާގައި، މި ގޮތަށް ވަލީދު ސޫޕް ބަހާތާ މިހާރު 10 އަހަރުވެއްޖެއެވެ.

މި ސޫޕަށް ޢަރަބީންގެ ތެރޭގައި ކިޔާ އުޅޭނީ ހަރީސް ނުވަތަ ހަރީސާއެވެ. މި ސޫޕް ތައްޔާރު ކުރަނީ ރާޅުކޮށް މުގުރާފައި ހުންނަ ގޮދަނާ، ލޮނާއި އަސޭމިރުސް ފަދަ ހަވާލުގެ ބާވަތްތައް ބޭނުންކޮށްގެ މީރުކޮށްފައި ހުންނަ އެއްގަމު މަސް ބޭނުން ކޮށްގެންނެވެ. ހަރީސްއަކީއަކީ ޢަރަބި ދުނިޔޭގައި މަޤުބޫލު ސޫޕެކެވެ. ވަކިން ހާއްސަކޮށް، ފާރިސީ ގަލްފުގެ ޤައުމުތަކުގައި، ރަމަޟާން މަހާ ދިމާކޮށް، އެންމެ އާންމުވާ އެއް ކޭމަކީވެސް ހަރީސްއެވެ.

ވަލީދު ތައްޔާރުކޮށްދޭ ސޫޕް ބަލާ، ކުދިބޮޑު އެތައް ބަޔަކު ސަފު ހަދައެވެ. މަޣްރިބަށް ބަންގި ގޮވާ، ރޯދަ ވީއްލާ ގަޑި ޖެހެން ވާއިރަށް ސޫޕު ފޮދެއް ލިބޭތޯ، ޕްލާސްޓިކާއި އެލުމިނިއަމްއާ އެނޫންވެސް ޒާތެއްގެ ކަންވާރެއް ހިފައިގެން އެތައް ބަޔަކު ސަފަށް އަރައެވެ.

ސަފުގައި މަޑުކޮށްލައިގެން، ސޫޕު ފޮދަކަށް އިންތިޒާރު ކުރަމުން ދިޔަ އެކަކީ އައިމަން ދާހިރުއެވެ.

ރަމަޟާން މަހަކީ ޞަދަޤާތުގެ މައްސަރަކަށްވެސް ވާ އިރު، މި ދުވަސްވަރަށް ވަލީދު އިންތިޒާރު ކުރަނީ ހިތު ލޯތްބާއެކުގައެވެ. ރަމަޟާން މަހު، ވަލީދުގެ ބަދިގެއިން ހިލޭ ސާބަހަށް ސޫޕް ބަހަމުން ދަނީ، ބަލާ އަންނަ މީހާގެ މާލީ ތަނަވަސްކަމަށް ނުވަތަ އެނޫންވެސް ހައިސިއްޔަތަކަށް ބެލުމެއް ނެތި، ވަކި މީހަކު ތަފާތު ނުކޮށެވެ.

ހަރީސް ތައްޔާރު ކުރަނީ ކުރީ ރޭ ފެނުއަޅާފައި ހުންނަ ގޮދަނާ، އެއްގަމު މަހުގެ އިތުރުން ބަޓަރު ނުވަތަ ކަންބަޅި ބަކަރީގެ ނިގުލުން ނަގާ ސަރުބީ ފެނުކައްކައިގެންނެވެ. ކައްކާ ނިމޭއިރު ބާކީ ހުންނަ ފެންގަނޑު އުކާލައެވެ. އަދި ބާކީ އޮންނަ ބައި ޗަސްކޮށް، ރަހަ ހެޔޮވަރު ކުރެއެވެ. ތަށިތަށީގައި ހަރީސް ސަރވް ކުރާއިރު، ފޮނިތޮށި، ހަކުރު ނުވަތަ ބަޓަރު ފަށަލައެއް ސޫޕުގެ މައްޗަށް އަޅާފައިވެސް ހުރެއެވެ.