ހަމާސް ގެ ހަތިޔާރު ފަލަސްތީނު ދައުލަތައް ހަވާލުކުރަން ތައްޔާރު ކަމަށް ބުނެފި
ހަމާސްގެ އިސް ނިގޯޝިއޭޓަރ އަދި އެ ޖަމާއަތުގެ ޣައްޒާގެ އިސް ފަރާތް ޚަލީލް އަލް-ހައްޔާ ބަޔާނެއް ގައި ބުނެފައި ވަނީ އެ ޖަމާއަތުން ހަތިޔާރު ގެންގުޅެން ޖެހެނީ އިޒްރޭލުން ހިސޯރު ކުރުމާއި އުދުވާނީ އަމަލުތައް ކުރިއަށް ގެންދާތީ ކަމުގައި.
ފަލަސްތީނުގެ ހަމާސް ގެ ހަނގުރާމަވެރިން، ހޮސްޓެޖުން އުފުލާ ރެޑް ކްރޮސް ވެހިކަލްތަކުގެ ސަލާމަތީ ކަންކަން ބަލަހައްޓަނީ
ހަމާސް އިން ހޮނިހިރު ދުވަހު ބުނީ އިޒްރޭލު ސިފައިންގެ ހިސޯރު ނިމުމަކަށް ގެނެސްފި ނަމަ ޣައްޒާ ގައި ހުރި އެ ޖަމާއަތުގެ ހަތިޔާރުތައް ފަލަސްތީނުގެ ދައުލަތައް ހަވާލު ކުރަން ތައްޔާރަށް ތިބި ކަމަށެވެ.
ހަމާސް ގެ އިސް ނިގޯޝިއޭޓަރ އަދި އެ ޖަމާއަތުގެ ޣައްޒާ ގެ އިސް ފަރާތް ޚަލީލް އަލް-ހައްޔާ ގެ ބަޔާނެއް ގައި ބުނެފައި ވަނީ އެ ޖަމާއަތުން ހަތިޔާރު ގެންގުޅެން ޖެހެނީ އިޒްރޭލުން ހިސޯރު ކުރުމާއި އުދުވާނީ އަމަލުތައް ކުރިއަށް ގެންދާތީ ކަމުގައެވެ. އިތުރަށް ބުނީ: "ހިސޯރު ނިމިއްޖެ ނަމަ، ހަތިޔާރުތައް ފަލަސްތީނު ދައުލަތުގެ ދަށަށް ގެންދާނެ." ކަމަށެވެ. އޭއެފްޕީން ސުވާލު ކުރުމުން، އަލް-ހައްޔާގެ އޮފީހުން ބުނީ އަލް-ހައްޔާ މާނަ ކުރަނީ އަމިއްލަ ސިޔާދަތީ ބާރު ލިބިފައިވާ ފަލަސްތީނުގެ ދައުލަތެއް ކަމުގައެވެ.
އަލް-ހައްޔާ ގެ ބަޔާނުގައި އިތުރަށް ބުނެފައި ވަނީ، އދ. ގެ ބާރު ހިނގާ ފައުޖެއް ޣައްޒާ ގައި ތިބުމަށް އެ ޖަމާއަތުން ރުހޭ ކަމަށާއި އެހެން ނަމަވެސް އެ ފައުޖުގެ ބޭނުމަކަށް ވާން ޖެހޭނީ ބޯޑަރު ބެލެހެއްޓުމާއި، ހަނގުރާމަ ހުއްޓާލުމުގެ އެއްބަސްވުން ތަންފީޒު ކުރުން ކަމުގައެވެ.
މަސްދަރު: އޭއެފްޕީ
