އދ. ދިއްދޫ ކައުންސިލްގެ ރައީސް އިންތިޚާބުކުރުމަށް ބާއްވާ ބައި-އިލެކްޝަންގެ ވޯޓުލުން ފަށައިފިއެވެ.
މި އިންތިޚާބުގެ ވޯޓުލުން ފަށާފައިވަނީ މިއަދު ހެނދުނު 8:00ގައެވެ. ވޯޓުލުން ކުރިއަށްދާނީ ހަވީރު 4:00އާ ހަމައަށެވެ.
މި އިންތިޚާބުގައި ވޯޓު ފޮށި ބަހައްޓާފައި ހުންނާނީ އދ. ދިއްދޫ ސްކޫލްގައެވެ. މާލޭގައި ދިރިއުޅޭ ދިއްދޫގެ ރައްޔިތުން ވޯޓުލުމަށް ފޮށި ބަހައްޓާފައި ހުންނާނީ މަޖީދިއްޔާ ސްކޫލުގައެވެ.
އދ. ދިއްދޫ ކައުންސިލުގެ ރައީސްކަމަށް ކުރިމަތިލާފައިވަނީ އަމިއްލަގޮތުން ވާދަކުރާ ދެ ކެންޑިޑޭޓުންނެވެ. އެއީ ކެންޑިޑޭޓް ނަންބަރު އެކެއް ޣައްސާން އަބްދުﷲއާއި ކެންޑިޑޭޓް ނަންބަރު ދޭއް އަހުމަދު ޒާލިފެވެ.
މިއިންތިޚާބުގައި ވޯޓުލުމުގެ ހައްގު ލިބިފައިވަނީ 148 މީހުންނަށެވެ.
