އދ. ދިއްދޫ ކައުންސިލްގެ ރައީސް އިންތިޚާބުކުރުމަށް ވޯޓުލުން ހޮނިހިރު ދުވަހު
18 މާރިޗު 2023 | ހޮނިހިރު 01:51ވޯޓުލުން ކުރިއަށްދާނީ ހޮނިހިރު ދުވަހުގެ ހެނދުނު 8ން ފެށިގެން ހަވީރު 4 ޖަހަންދެން
ބައި އިލެކްޝަނެއްގައި ވޯޓުލުން ކުރިއަށްދަނީ
އދ. ދިއްދޫ ކައުންސިލްގެ ރައީސް އިންތިޚާބުކުރުމަށް ބާއްވާ ބައި-އިލެކްޝަން، ހޮނިހިރު ދުވަހު އޮންނާނެއެވެ.
އިލެކްޝަންސް ކޮމިޝަނުން ބުނީ ވޯޓުލުން ކުރިޔަށްދާނީ ހޮނިހިރު ދުވަހުގެ ހެނދުނު 8ން ފެށިގެން ހަވީރު 4 ޖަހަންދެން ކަމަށެވެ. ވޯޓު ފޮށި ބަހައްޓާފައި ހުންނާނީ އދ. ދިއްދޫ ސްކޫލްގައެވެ. މާލޭގައި ދިރިއުޅޭ ދިއްދޫގެ ރައްޔިތުން ވޯޓުލުމަށް ފޮށި ބަހައްޓާފައި ހުންނާނީ މަޖީދިއްޔާ ސްކޫލުގައެވެ.
މިއިންތިޚާބުގައި ވޯޓުލުމުގެ ހައްގު ލިބިފައިވަނީ 148 މީހުންނަށެވެ.
އދ. ދިއްދޫ ކައުންސިލުގެ ރައީސްކަމަށް ކުރިމަތިލާފައިވަނީ އަމިއްލަގޮތުން ވާދަކުރާ ދެ ކެންޑިޑޭޓުންނެވެ. އެއީ ކެންޑިޭޓް ނަންބަރު އެކެއް ޣައްސާން އަބްދުﷲއާއި ކެންޑިޑޭޓް ނަންބަރު ދޭއް އަހުމަދު ޒާލިފުއެވެ.
