ދުބާއީ ބަނދަރުގައި ބޭއްވި ޑައިވް މެނާ އެކްސްޕޯ 2023ގައި ރާއްޖޭގެ ލިވަބޯޑުތަކާއި ޑައިވް އިންޑަސްޓްރީ ޕްރޮމޯޓުކުރުމަށް، ނޭޝަނަލް ބޯޓިންގ އެސޯސިއޭޝަން އޮފް މޯލްޑިވްސް (އެންބީއޭއެމް)، މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ފަރާތުން ސްޕޮންސާކޮށްފިއެވެ.

ޑައިވް މެނާ އެކްސްޕޯ އަކީ 2008 ވަނަ އަހަރުން ފެށިގެން މި ސަރަހައްދުގައި ބާއްވާ މުހިންމު ޑައިވް އިވެންޓްތަކުގެ ތެރެއިން އެއް އިވެންޓެވެ. ފަސް ދުވަހުގެ މުއްދަތަށް ކުރިއަށްދިޔަ މި އިވެންޓުގައި އުފެއްދުންތެރިންނާއި ސަޕްލައި ކުރާ ފަރާތްތަކާއި ޔޮޓިންގ އެލީޓުންގެ އިތުރުން ޑައިވް އަދި ލިވަބޯޑުގެ އެކްސްޕީރިއެންސްތައް ހޯދަން ބޭނުންވާ ކަސްޓަމަރުން ބައިވެރިވެއެވެ. އެމްއެމްޕީއާރުސީއިން ޑައިވް މެނާ އެކްސްޕޯ 2023 އަށް އެންބީއޭއެމް ސްޕޮންސަރކޮށްފައި މިވަނީ ރާއްޖޭގެ ޑައިވް އަދި ލިވަބޯޑު އިންޑަސްޓްރީގެ ހިދުމަތްދޭ ފަރާތްތަކުން އެ ފަރާތްތަކުގެ ޕްރޮޑަކްޓްތަކާއި ހިދުމަތްތައް ދުނިޔޭގެ ފެންވަރުގައި ޕްރޮމޯޓުކުރުމަށް އެހީތެރިވެ، ފުރުސަތު ހޯދައިދިނުމުގެ ގޮތުންނެވެ.

މި އިވެންޓަކީ ރާއްޖޭގެ ލިވަބޯޑްތައް އިޝްތިހާރުކޮށް ޕްރޮމޯޓްކުރުމަށާއި ރާއްޖޭގައި ފަތުރުވެރިންނަށް ބައިވެރިވެވޭނެ ތަފާތު ޑައިވް އެކްސްޕީރިއަންސްތައް ކިޔައިދީ، މަންޒިލްގެ ބްރޭންޑް އެވެއަރނަސް އިތުރުކޮށް، ޕޮޓެންޝަލް މާކެޓްތަކުގައި އެމްއެމްޕީއާރުސީގެ ރީޗް އިތުރުކުރުމަށް އެހީތެރިވެދޭ އިވެންޓެކެވެ. މި ހަރަކާތުން އެންބީއޭއެމްގެ މެމްބަރުންނަށް އެ ބޭފުޅުންގެ އުފެއްދުންތަކާއި ހިދުމަތްތައް ޕްރޮމޯޓް ކުރުމަށް ސީދާ މަގެއް އުފެއްދުމަށް އެހީތެރިވެދިނެވެ. މި އިވެންޓުގައި އެންބީއޭއެމްއަށް އެމްއެމްޕީއާރުސީއިން ސްޕޮންސާޝިޕް ދީފައިވަނީ ރާއްޖޭގެ އެކި ސެގްމަންޓްތަކާއި ތަފާތު ސެލިންގ ޕޮއިންޓްތައް ދުނިޔޭގެ ފެންވަރުގައި ޕްރޮމޯޓްކުރުމުގެ އަމާޒަށް ވާސިލްވުމަށް ލޯކަލް ސްޓޭކްހޯލްޑަރުންނަށް އެހީތެރިވުމަށް އެކުލަވާލާފައިވާ ސްޓެޓަޖީގެ ދަށުންނެވެ.

މެދުއިރުމައްޗަކީ ރާއްޖޭއަށް މުހިންމު މާކެޓްތަކެއް ހިމެނޭ ސަރަހައްދަކަށެވެ. މިގޮތުން މިދިޔަ 2022 ވަނަ އަހަރުގެ ޖެނުއަރީ އިން ޑިސެމްބަރު މަހުގެ ނިޔަލަށް ރާއްޖެއަށް މި މާކެޓުގެ ޤައުމުތަކުން ވަނީ 1،675،303 އަށް ވުރެ ގިނަ ފަތުރުވެރިން ޒިޔާރަތްކޮށްފައެވެ. މި މާކެޓުގައި ރާއްޖޭގެ މަޤުބޫލުކަން ދަމަހައްޓާ އިތުރުކުރުމަށް އެމްއެމްޕީއާރުސީއިން ދަނީ ގިނަގުނަ މަސައްކަތްތަކެއް ކުރަމުންނެވެ. މިގޮތުން، މިހާރު ކުރިއަށްދާ ހަރަކާތްތަކުގެ ތެރޭގައި ކޮޒްމޯ ޓްރެވަލް ކެމްޕޭނާއި އެމިރޭޓްސް އޭޖެންޓްސް އިންސެންޓިވް ކެމްޕޭން ފާހަގަކޮށްލެވެއެވެ. މި އަހަރަށް އެމްއެމްޕީއާރުސީއިން މެދުއިރުމަތީގެ ގައުމުތަކަށް އިތުރު ހަރަކާތްތަކެއް ކުރިއަށް ގެންދިއުމަށް ރާވާފައިވާއިރު، އޭގެ ތެރޭގައި މީޑިއާ ފެމިލިއަރައިޒޭޝަން ދަތުރުތަކާއި ޕްރިންޓް އެޑްވަޓައިޒްމަންޓްތަކާއި ޓުއަރ އޮޕަރޭޓަރުންނާއެކު ހިންގާ ކެމްޕޭންތަކުގެ އިތުރުން، އައުޓްޑޯ އެޑްވަޓައިޒިން ކެމްޕޭންތައް ހިމެނެއެވެ. އަދި މި ސަރަހައްދުގައި ބާއްވާ އާރުޓީއެފް 2023 އަދި އޭޓީއެމް 2023 ފަދަ ބޮޑެތި ފެއަރތަކުގައި ބައިވެރިވުންވެސް ހިމެނެއެވެ.

2022 ވަނަ އަހަރު އެމްއެމްޕީއާރުސީން ޖުމްލަ 178 ހަރަކާތް ހިންގާފައިވާއިރު، މީގެތެރޭގައި 90 މާކެޓިންގ ކެމްޕޭން، 44 ފެއަރގައި ބައިވެރިވުން، 06 ރޯޑްޝޯ ހޯސްޓުކުރުން، 10 ވާޗުއަލް އިވެންޓް، 18 ފެމިލިއަރައިޒޭޝަން ދަތުރު، އަދި އެހެނިހެން 10 އިވެންޓެއް ދުނިޔޭގެ އެކި ކަންކޮޅުތަކުގައި ވަނީ ހިންގާފައެވެ. މި މަސައްކަތްތަކުގެ ސަބަބުން 2022 ވަނަ އަހަރަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ކަނޑައެޅުއްވި 1.6 މިލިއަން ފަތުރުވެރިން ރާއްޖެ ގެނައުމުގެ ލަނޑުދަނޑި ވަނީ އަހަރު ނިމުމުގެ ދެ ހަފްތާ ކުރިން ހާސިލްކުރެވިފައެވެ. މީގެ އިތުރުން ރާއްޖެއިން އިން 2022ވަނަ އަހަރު ވަނީ ޖެހިޖެހިގެން ތިންވަނަ ފަހަރަށް ވޯލްޑް ޓްރެވަލް އެވޯޑްސްގެ އެންމެ ޝަރަފްވެރި އެވޯޑު، 'ދުނިޔޭގެ ލީޑިންގ ޑެސްޓިނޭޝަން'ގެ ލަގަބު ކާމިޔާބުކޮށްފައެވެ. އަދި ރާއްޖޭގެ ތާރީޙުގައި ފުރަތަމަ ފަހަރަށް 'ދުނިޔޭގެ ލީޑިންގ ޓޫރިސްޓް ބޯޑު' ގެ ލަގަބުވެސް އެމްއެމްޕީއާރުސީއިން 2022ގައި ވަނީ ކާމިޔާބު ކޮށްފައެވެ.