ކ. މާލެ
|
9 މާރޗް 2023 | ބުރާސްފަތި 12:58
މިއުޒިކް
މިއުޒިކް
ރާއްޖެއެމްވީ
ރޮކް މިއުޒިކް
ރާއްޖޭގައި ރޮކް މިއުޒިކް ފެށުން ފާހަގަކުރުމަށް ޚާއްސަ ޝޯއެއް ބާއްވަނީ
 
ޝޯގެ ޓިކެޓު މިހާރު އޮލިމްޕަހުން ލިބޭނެ
 
މި ޝޯ އޮންނާނީ މާރޗް 13 އަދި 14 ގައި

ރާއްޖޭގައި ރޮކް މިއުޒިކް ފެށުން ފާހަގަކުރުމަށް ޚާއްސަ ޝޯއެއް ބާއްވަން ނިންމައިފިއެވެ.

ރާއްޖޭގައި ރޮކް މިއުޒިކް ފަށާފައިވަނީ 1970 ވަނަ އަހަރުގެ މާރޗް 13 ގައެވެ. މި ފެށުމަށް މިއަހަރު 53 އަހަރު ފުރޭނެއެވެ.

ރާއްޖެޓީވީގެ "ފަށާއިރު" ޕްރޮގްރާމުގައި ބައިވެރިވެވަޑައިގެން ރާއްޖެއަށް ރޮކް މިއުޒިކް ތައާރަފުކުރުމުގައި އެންމެ އިސްކޮށް ހަރަކާތްތެރިވެވަޑައިގެންނރވި އަދި މި ޝޯ އިންތިޒާމުކުރުގައި އެންމެ އިސްކޮށް ހަރަކާތްތެރިވެވަޑައިގަންނަވާ އެއް ބޭފުޅެއް ކަމަށްވާ އަހުމަދު އާތިފް ވިދާޅުވީ ރާއްޖެއަށް ރޮކް މިއުޒިކް ތައާރަފުކުރެވުނުތާ 53 އަހަރު މިއަހަރު ފުރުނު ނަމަވެސް ފާހަގަކުރަނީ 50 އަހަރު ފުރުން ކަމަށެވެ. މި ދުވަސް ފާހަގަކުރުމަށް މާރޗް 13 އަދި 14 ގައި އޮލިމްޕަހުގައި ޚާއްސަ ޝޯއެއް ބާއްވަން ނިންމާފައިވާކަމަށެވެ.

އާތިފް ވިދާޅުވީ މި ޝޯއަކީ މީގެ 50 އަހަރު ކުރިން މިއުޒިކީ ދުނިޔޭގައި ކަންކަން ހިނގި ގޮތާއި، އޭރުގެ ލަވަތައް ދައްކާލުމަށް ބާއްވާ ޝޯއެއް ކަމަށެވެ. މިގޮތުން އޭރު އެކި ގޮތްގޮތުން އެހީތެރިކަން ފޯރުކޮށްދިން ފަރާތްތަކުގެ ހަނދާން އައުކުރުމާއި، އޭރު މިއުޒިކް ކުޅުމަށް ބޭނުންކުރި ބައެއް އާލަތްތައް ފެންނަ ހުންނާނެ ކަމަށެވެ.

އަދި އޭރު ލަވަ ކިޔައި އުޅުނު ބައެއް ފަރާތްތަކުގެ ހުށަހެޅުންތައް ފެނިގެންދާނެ ކަމަށް އޭނާ ވިދާޅުވިއެވެ. މިގޮތުން އެބޭފުޅާގެ އިތުރުން ޕެނަމާ ޝަފީގު، މައިޒާން އަލިބެ ފަދަ ބައެއް ފަރާތްތަކުގެ ހުށަހެޅުން ފެނިގެންދާނެ ކަމަށް އާތިފް ވިދާޅުވިއެ. އަދި މި ޒަމާނުގެ ލަވަކިޔުންތެރިންގެ ހުށަހެޅުންތައްވެސް ފެނިގެންދާނެ ކަމަށް ވިދާޅުވިއެވެ.

މި ޝޯގެ ޓިކެޓު އޮލިމްޕަހުން ލިބޭނެއެވެ. ޓިކެޓު ވިއްކާނީ ހެނދުނު 10:00 އިން 12:00 އަށް، މެންދުރުފަހު 14:00 އިން 17:00 އަށް އަދި ރޭގަނޑު 20:30 އިން 22:30 އަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް