ހދ.ގެ ޗެމްޕިއަންކަން ނައިވާދޫއަށް
21 ފެބުރުއަރީ 2023 | އަންގާރަ 04:37މިއީ ނައިވާދޫން ޗެމްޕިއަންކަން ހޯދި ފަސްވަނަ ފަހަރު
ޙަފްޞީ ޢަބްދުالله | 21 ފެބުރުއަރީ 2023 | އަންގާރަ 04:37
ޗެމްޕިއަން ނައިވާދޫ ޓީމް
ސޮނީ ސްޕޯރޓްސް ގޯލްޑަން ފުޓްސަލް ޗެލެންޖްގެ ހދ.އަތޮޅުގެ ޗެމްޕިއަންކަން ނައިވާދޫން ހޯދައިފިއެވެ.
ނައިވާދޫން ޗެމްޕިއަންކަން ހޯދީ ފައިނަލްގައި 1-0 ން ނޭކުރެންދޫ ބަލިކޮށްގެންނެވެ. މެޗުގެ ހަމައެކަނި ލަނޑު ޖެހީ އަބްދުالله ޝާފިއުއެވެ. މުބާރާތުގެ ހދ.އަތޮޅުގެ މޮޅު ކުޅުންތެރިޔާގެ މަޤާމާއި, އެންމެ ގިނަ ލަނޑުޖެހި ކުޅުންތެރިޔާގެ މަޤާމްވެސް ހޯދީ ޝާފިއުއެވެ. މިއީ އަތޮޅު ޗެމްޕިއަންކަން ނައިވާދޫން ހޯދި ފަސްވަނަ ފަހަރެވެ. މިދިޔަ އަހަރުވެސް ޗެމްޕިއަންކަން ހޯދީ ނައިވާދޫއެވެ.
މީގެކުރިން ނައިވާދޫން އަތޮޅު ޗެމްޕިއަންކަން ހޯދީ 2016, 2018, 2019, އަދި 2022 ވަނަ އަހަރުއެވެ.
