ހއ.ގެ ޗެމްޕިއަންކަން އުތީމަށް، ށ. ޗެމްޕިއަންކަން ފޯކައިދޫއަށް

ސޮނީ ސްޕޯރޓްސް ގޯލްޑަން ފުޓްސަލް ޗެލެންޖްގެ ހއ.އަތޮޅުގެ ޗެމްޕިއަންކަން ހއ.އުތީމުން ހޯދައިފިއެވެ.

އުތީމް ފުޓްސަލް ޓީމުން ޗެމްޕިއަންކަން ހޯދީ ފައިނަލްގައި 2-1 ން ފިއްލަދޫ ބަލިކޮށްގެންނެވެ. މެޗުގައި އުތީމްގެ ދެ ލަނޑުޖެހީ އަހުމަދު އައިހަމްއާއި ރިޝްވާން އިބްރާހީމް ރަޝީދެވެ. ފިއްލަދޫގެ ހަމައެކަނި ލަނޑުޖެހީ އަބްދުالله އިހުވާންއެވެ. މެޗުގެ މޮޅު ކުޅުންތެރިއަކީ އުތީމްގެ އައިހަމްއެވެ. ހއ.އަތޮޅުގެ އެންމެ މޮޅު ކުޅުންތެރިއަކީ މުހައްމަދު ހުސާމްއެވެ. އެންމެ ގިނަ ގޯލް ޖަހައިގެން ރަންބޫޓް ހޯދީ ސާޖިދު ރަޝީދުއެވެ.

ށ.އަތޮޅުގެ ޗެމްޕިއަންކަން ހޯދީ ފޯކައިދޫއެވެ. ފޯކައިދޫން ޗެމްޕިއަންކަން ހޯދީ ކުރީގެ ޗެމްޕިއަންކަން ކަނޑިތީމް ޕެނަލްޓީގައި ބަލިކޮށްގެންނެވެ. އެއީ 6-5 ނެވެ. ށ.އަތޮޅުގެ މޮޅު ކުޅުންތެރިއަކީ އިބްރާހީމް ނަދާދުއެވެ. ށ.އަތޮޅުގެ ޓޮޕް ސްކޯރަރއަކީވެސް އޭނާއެވެ.