ހުޅުމާލޭގައި މި މަހުގެ 14 ވަނަ ދުވަހު ހިނގި އެކްސިޑެންޓެއް ދުށް ބަޔަކުވޭތޯ ފުލުހުން ބަލަން ފަށައިފިއެވެ.

ފުލުހުން ބުނީ މި މަހުގެ 14 ވަނަ ދުވަހުގެ ހެނދުނު 08:25 ހާއިރު، ހުޅުމާލެ ފޭސް 1، ހައިވަކަރު މަގާއި ސައިމާ ހިނގުން ގުޅޭ ކަންމަތީ ދެ ސައިކަލު ޖެހި ހިނގި އެކްސިޑެންޓުގެ މައުލޫމާތު އެނގޭ ނުވަތަ މަންޒަރު ދުށް ބަޔަކުވޭތޯ ބަލަން ބޭނުންވާ ކަމަށެވެ.

އެހެންކަމުން މި އެކްސިޑެންޓުގެ މަންޒަރު ދުށް ނުވަތަ އެ އެކްސިޑެންޓާގުޅޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ، ހުޅުމާލެ ފޭސް 1 އިންވެސްޓިގޭޝަން ޑިއުޓީ ނަންބަރު 9980062ށް ގުޅައި، އެކަން ހިއްސާކުރުމަށް ފުލުހުން އެދެއެވެ.