ހދ. ކުޅުދުއްފުށީގައި ޖުވާ ކުޅެއްތިބި 10 ބިދޭސީއަކު ހައްޔަރު ކޮށްފި އެވެ.
މިކަންވަނީ ފުލުހުން ކަށަވަރުކޮށްދީފައެވެ.
ހޮނިހިރު ދުވަހު "ރާއްޖެއެމްވީ" މައުލޫމާތު ދެމުން ފުލުހުންގެ މީޑިއާއިން ބުނީ ކުޅުދުއްފުށީގައި ބުރާސްފަތި ދުވަހުގެ ރޭ އެރަށު ޕްލިސް ސްޓޭޝަނުން ހިންގި އޮޕަރޭޝަނެއްގައި ޖުވާ ކުޅެންތިބި ބިދޭންސީންތަކެއް ހައްޔަރު ކޮށްފައިވާ ކަމަށެވެ.
ފުލުހުން ބުނީ ހައްޔަރު ކޮށްފައިވަނީ ބަންގްލަދޭޝް 10 މީހުން ކަމަށެވެ. އެމީހުންނަކީ އުމުރުން 23 އަހަރާއި 48 އަހަރާ ދެމެދުގެ ބަންގްލަދޭޝް މީހުން ކަމަށް ވެސް ފުލުހުން ބުނެއެވެ.
ފުލުހުން ބުނީ އެ މީހުން ޖުވާކުޅެންތިބި ގެ ބަލާ ފާސްކުރި އިރު، ޖުވާ ކުޅެން ގެންގުޅޭ ސާމާނާއި ގިނަ އަދަދެއްގެ ފައިސާ ވެސް ފެނިފައިވާ ކަމަށެވެ.
އެމައްސަލަ ތަހުގީގު ކުރުމަށް އެމީހުން ފުލުހުންގެ ބަންދަށް ކުޅުދުއްފުށި މެޖިސްޓްރޭޓް ކޯޓުން ހަތް ދުވަސް ޖަހާދީފައިވާ ކަމަށް ވެސް ފުލުހުން ބުނެއެވެ.
