އަންހެނުންގެ ބާރުވެރިކަމަކީ އެހެން ބަޔަކު އައިސް ވެދުން ކުރާނެ ހަދިޔާއެއް ނޫން: ފާތިމަތު އިބްރާހީމް
1 ފެބުރުއަރީ 2017 | ބުދަ 04:14އެއްވެސް މީހަކީ ބަލިކަށި މީހެއް ގޮތުގައި ގަބޫލުކޮށްގެން ނުވާނެ
ރައީސް އަބްދުﷲ ޔާމީންގެ އަނބިކަނބަލުން ފާތިމަތު އިބްރާހީމް
އަންހެނުންގެ ބާރުވެރިކަމަކީ އެހެން ބަޔަކު އައިސް ވެދުން ކުރާނެ ހަދިޔާއެއް ނޫން ކަމަށާއި އަންހެނުންނަށް ލިބިފައިވާ ޙައްޤުތައް ހިތްވަރާއި ކެތްތެރިކަން ހުރެގެން ގާނޫނީ ގޮތުންނާއި އާއިލާ އާއި މުޖުތަމައުގެ ތެރެއިން ހޯދަން ޖެހޭ ކަމަށް ރައީސުލްޖުމްހޫރިއްޔާގެ އަނބިކަނބަލުން ފާތިމަތު އިބްރާހިމް ވިދާޅުވެއްޖެއެވެ.
އެކަމަނާ މިހެން ވިދާޅުވީ "ފަސްޓް ލޭޑީ ބަށި މުބާރާތް" އިފްތިތާހް ކުރެއްވުމަށް އަންގާރަ ދުވަހުގެރޭ ދަރުބާރުގޭގައި ބޭއްވެވި ޖަލްސާގައި ވާހަކަފުޅު ދައްކަވަމުންނެވެ.
އެހަފްލާގައި ފާތިމަތު އިބްރާހީމް ވިދާޅުވީ އަޅުގަނޑުމެންގެ ތެރެއިން އެއްވެސް މީހަކީ ބަލިކަށި މީހެއް ގޮތުގައި ގަބޫލުކޮށްގެން ނުވާނެ ކަމަށެވެ.
އަންހެން ކަނބަލުންގެ ހަރަކާތްތެރިކަމާއި ހޯދަމުންދާ ކުރިއެރުމަށް އިޝާރާތް ކުރައްވަމުން ފާތުމަތު އިބްރާހިމް ވިދާޅުވީ އަޅުގަނޑުމެންގެ ވިސްނުން މިއަށްވުރެ ބޮޑަށް ކުރިއަށް ޖައްސާލަން ޖެހޭ ކަމަށާއި އަންހެނުންގެ ބާރުވެރިކަން ހޯދަން ޖެހޭ ކަމަށެވެ. އެކަމަށް ބޭނުން ވަނީ ހިތްވަރާއި ބުންވަރު އަދި ހުށިޔާރުކަން ކަމުގައި އެކަމަނާ ވިދާޅުވިއެވެ.
ރައީސް އަބްދުﷲ ޔާމީނާއި ފާތުމަތު އިބްރާހިމްގެ މައްޗަށް ހިޔާނާތުގެ ތުހްމަތު ކުރެވޭއިރު، ގިނަ މައްސަލަތަކެއް ކުރިއަށް ނުގެންދެ އެވެ. ތަހްގީގުކުރަން ފަށާފައި ހުރި ގިނަ މައްސަލަތައް ވެސް ހުރީ "އުމަގުވެފަ" އެވެ.
