ޕީއެސްޖީގެ ނަތީޖާތައް ރަނގަޅު، ފޯކަސް ހުރީ މެޗަށް

ޕެރިސް ސެއިންޓް ޖާމަން (ޕީއެސްޖީ) އިން ނެރެމުން އަންނަ ނަތީޖާތައް ރަނގަޅު ކަމަށާއި، ފޯކަސް ހުރީ މާސޭ މެޗަށް ކަމަށް އެ ޓީމުގެ ކޯޗު ކްރިސްޓޮފާ ގަލްޓިއޭ ބުނެފި އެވެ.

ގަލްޓިއޭ މިހެން ބުނީ ފްރާންސް ކަޕްގައި ވާދަވެރި މާސޭއާ ދެކޮޅަށް ޕީއެސްޖީން ނުކުންނަ މެޗުގެ ކުރިން ވާހަކަ ދައްކަމުންނެވެ. އޭނާ ބުނީ އެންމެ ފަހުން ކުޅުނު މެޗުގައި ޕީއެސްޖީން ދެއްކީ ރަނގަޅު ކުޅުމެއް ކަމަށެވެ. ނަމަވެސް ޓޫލަސްއާ ދެކޮޅަށް ކުޅުނު މެޗުގައި އުނދަގޫތަކެއް ކުރިމަތިވި ކަމަށާއި، އެއީ މުހިންމު ބައެއް ކުޅުންތެރިން ނެތުމުން ކަމަށެވެ. އަދި ސްކޮޑުގައި ތިބި ހުރިހާ ކުޅުންތެރިން ވެސް މިވަގުތު ތިބީ ރަނގަޅު ފޯމެއްގައި ކަމަށެވެ. މީގެ އިތުރުން ގަލްޓިއޭ ބުނީ މާސޭއާ ދެކޮޅަށް ކުޅޭ މެޗަކީ ނޮކްއައުޓް މެޗެއް ކަމަށާއި، ކުޅުންތެރިންނަށް ވެސް އެކަން އެނގޭނެ ކަމަށެވެ. އޭނާ ބުނީ ޕީއެސްޖީގައި ތިބީ ވަރަށް ތަޖުރިބާ ހުރި ކުޅުންތެރިން ކަމަށާއި، މެޗުގައި ކުރަން ޖެހޭ ކަންކަން ވަރަށް ރަނގަޅަށް އެ ކުޅުންތެރިންނަށް އެނގޭނެ ކަމަށެވެ. އަދި މާސޭ އަކީ އަބަދު ވެސް އިދިކޮޅަށް ކުޅެން އުނދަގޫ ޓީމެއް ކަމަށާއި، އެ މީހުންގެ ކުޅުންތެރިންނަކީ ވެސް މޮޅު ބައެއް ކަމަށެވެ. ގަލްޓިއޭ ބުނީ އެ މެޗަށް ނުކުންނަނީ ކުރިއަށް މާސޭއާ ދެކޮޅަށް ކުޅެން ޖެހޭ މެޗު ހުރިކަން އެނގިގެން ކަމަށެވެ.

މީގެ އިތުރުން އޭނާ ބުނީ ރެނާޓޯ ސަންޗޭސް އަށް އަނިޔާވެއްޖެ ކަމަށާއި، އޭނާ އަށް ނުކުޅެވޭނެ ކަމަށެވެ. ނަމަވެސް މާސޭ މެޗުގައި މާކޯ ވެރާޓީ އާއި ނޭމާ ޖޫނިއާ އަދި ސާޖިއޯ ރާމޯސް އަށް ކުޅެވޭނެ ކަމަށެވެ. މީގެ އިތުރުން ޕްރެސްނެލް ކިމްޕެމްބޭ މުޅިން ފިޓު ނުވާ ކަމަށާއި، ކީލިއަން އެމްބާޕޭ ވެސް ހުރީ ކުޅުމާ ދުރުގައި ކަމަށް ވެސް އޭނާ ބުންޏެވެ. އަދި މެޗުގައި ބޭނުންވާ ނަތީޖާ ނެރެވޭނެ ފެންވަރުގެ ކުޅުންތެރިން މިހާރު ވެސް ސްކޮޑުގައި ތިބި ކަމަށެވެ.

އިތުރަށް ވާހަކަ ދައްކަމުން ގަލްޓިއޭ ބުނީ، ކުރިއަށް އޮތީ ބޮޑެތި މެޗުތަކެއް ކަމަށާއި، އެއީ ބޭނުންވާ ގޮތް ކަމަށެވެ. ޚާއްސަކޮށް ޕީއެސްޖީން އެކަހަލަ މެޗު ކުޅެން ބޭނުންވާކަން ފާހަގަކޮށް އޭނާ ބުނީ، އެންމެ ބޮޑަށް ބޭނުންވަނީ އެ މެޗުތަކުން ނަތީޖާ ނެރުން ކަމަށެވެ. އަދި ކޮންމެ މުބާރާތެއްގައި ވެސް ކުޅެން ޖެހޭނީ ބޮޑެތި މެޗުތައް ކަމަށެވެ. ފްރާންސް ކަޕްގައި އަމިއްލަ ދަނޑުގައި ޕީއެސްޖީން މާސޭއާ ދެކޮޅަށް ނުކުންނާނީ ބުދަ ދުވަހުގެ ރޭ ދަންވަރު އެވެ.