މެލޭޝިއާގެ ތާރީޚު ނުދެކޭ ފަދަ ތަރައްޤީގެ ބިޔަ މަޝްރޫއާއެކު ރަށްފުށަށް އުޖާލާކަން

އެތައް ބިލިއަން ޑޮލަރެއްގެ އަގު ހުރި، 655 ކިލޯމީޓަރު ދިގު، އީސްޓްކޯސްޓް ރެއިލް ލިންކް (އީސީއާރްއެލް)އަކީ، މެލޭޝިއާގެ ތާރީޚު ދެކެފައި ނުވާ ވަރުގެ، ޢުމްރާނީ ތަރައްޤީގެ އެންމެ ބިޔަ މަޝްރޫއެވެ. މަޝްރޫއުގެ މޭސްތިރިއެއްގެ ގޮތުގައި އޮތީ ޗައިނާ ކޮމިއުނިކޭޝަން ކޮންސްޓްރަކްޝަން ކޮމްޕެނީ ނުވަތަ ސީ.ސީ.ސީ.ސީއެވެ.

އީސްޓްކޯސްޓް ރެއިލް ލިންކްއަކީ ތަރައްޤީގެ ފޮނިކަން އާރުލާފައިވާ މެލޭޝިއާގެ ވެރިކަން ކުރާ ސަރަޙައްދާއި ބަނދަރުތައް ހިމެނޭ ހުޅަނގާއި، އިރުމަތީ އައްސޭރިފަށުގެ ބަނދަރަކާއި ސިނާއީ ޕާކެއް ގުޅާލަދޭ މާސިންގާ މަގެކެވެ.

އީސްޓްކޯސްޓް ރެއިލް ލިންކު ތަރައްޤީ ކުރުމުގެ މަސައްކަތް އަދިވެސް ދަނީ ކުރިއަށް ކަމުގައި ވީ ނަމަވެސް، މިހާރުވެސް އެކަމުގެ ފައިދާ، މެލޭޝިއާގެ އެންމެ ދަށް ފަންތީގެ ސަރަޙައްދުތަކަށް ވަނީ ފޯރަން ފަށާފައެވެ. ވިޔަފާރިތައް މެކުހަށް ޖެހެމުން ދާއިރު، ވަޒީފާގެ ފުރުޞަތުގެ ނަޒަރިއްޔާއިން ބެލި ކަމުގައި ވީ ނަމަވެސް ފެންނަނީ އުޖާލާ ކަމެވެ.

މެލެޝިއާގެ އިރުއިތުރުގެ ސަރަޙައްދެއް ކަމަށް ވާ ކެލަންޓާންއަކީ މައިގަނޑު ގޮތެއްގައި ފަޤީރު، އަދި ރަށްފުށުގެ އާދައިގެ ދިރިއުޅުމެއް ފެތުރިފައިވާ ސަރަޙައްދަކަށް ވާއިރު، އެއީ މެލޭޝިއާގެ އެންމެ ފަޤީރު ސަރަޙައްދުތަކުގެ ތެރޭގައިވެސް ހިމެނޭ ސަރަޙައްދެކެވެ.

ނަމަވެސް، މިއަދު އެ ސަރަޙައްދުގައި ގުގުމުން ދަނީ އީސްޓްކޯސްޓް ރެއިލް ލިންކްގެ ތަރައްޤީގެ އަޑުފަށްގަނޑެވެ. ކުރިއަށް އޮތްތަނުގައި އިވެމުން ދާނީ ޤައުމުގެ އެންމެ ކުރިއަރާފައިވާ ސަރަޙައްދުތަކުން އަންނަ މީހުންނާއި މުދާ، ގަޑިއަކު 160 ކިލޯމީޓަރު ބާރުމިނުގައި އުފުލާ އަޑެވެ.

ކުޑަ ދުވަސްކޮޅެއްގެ ތެރޭގައި މެލޭޝިއާގެ ސަރުކާރަށް އެރި ގިނަ ލޮޅުންތަކާއި، ރޫޓު ބަދަލުވުމާއި، މޫސުމީ ކާރިޘާތަކާއި ވެއްޓަށް ކުރިމަތިވި ނޭދެވޭ ބަދަލުތަކުގެ އިތުރުން ކޮވިޑް-19ގެ ބަލިމަޑުކަން ފަދަ ގިނަ ގޮންޖެހުންތަކަކާއެކުގައިވެސް ސީ.ސީ.ސީ.ސީއިން ވަނީ އީސްޓްކޯސްޓް ރެއިލް ލިންކްގެ މަޝްރޫއު އަމާޒުން ކަސިޔާރު ވިޔަ ނުދީ ހިފަހައްޓާލާފައެވެ.

ކެލަންޓާންއަކީ ޔުނިވަރސިޓީއިން ދަސްވެނިވެފައިވާ ނިކް ފިރުދައުސް ނިކް ދީން ފަދަ ޒުވާނުންނަށްވެސް ވަޒީފާ ލިބުން ތަކުލީފަކަށް ވެފައިވާ ސަރަޙައްދެކެވެ.

ކަން މިހެން އޮތް ނަމަވެސް، އީސްޓްކޯސްޓް ރެއިލް ލިންކް މަޝްރޫއާއެކު، ކުދި ކުންފުނިތަކަށް ވަނީ، ވަޒީފާގެ އިތުރު ފުރުޞަތުތައް ފަހިކޮށްދޭނެ މަގު ތަނަވަސްވެފައެވެ.

ސީ.ސީ.ސީ.ސީއިން ވަނީ މިދިޔަ އަހަރުތަކުގައި، ތަރައްޤީގެ ނަމުގައި މެލޭޝިއާގައި އިތުރު މަޝްރޫއުތަކެއްވެސް ހިންގާފައެވެ. އޭގެ ތެރޭގައި ބިން ހިއްކުމާއި، ބުރިޖާއި ހައިވޭތައް އެޅުމުގެއިތުރުން ރޭލު ދަތުރުފަތުރުގެ ނިޒާމް އަޕްގްރޭޑް ކުރުން ފަދަ މަޝްރޫއުތައް ހިމެނެއެވެ.

އީސްޓްކޯސްޓް ރެއިލް ލިންކް (އީސީއާރްއެލް)ގެ މަސައްކަތް މުޅިން ނިންމާލަން ކަނޑައަޅާފައި ވަނީ 2026 ވަނަ އަހަރަށެވެ.