ކުޅިވަރު
9 ބޯލް އެސޯސިއޭޝަން ކަޕް
9 ބޯލް އެސޯސިއޭޝަންކަޕް ކާމިޔާބުކުރީ ފަޔާޒު
މިއަހަރު ކުރިއަށް ގައުމީ މުބާރާތް އެބައޮތް
ޙަފްޞީ ޢަބްދުالله, ރާއްޖެ އެމްވީ | 18 ސެޕްޓެމްބަރު 2022 | އާދީއްތަ 12:55
މުބާރާތުގެ ޗެމްޕިއަން ހުސައިން ފަޔާޒު - ފޮޓޯ: ބިލިއަރޑް އެސޯސިއޭޝަން
9 ބޯލް އެސޯސިއޭޝަންކަޕްގެ ޗެމްޕިއަންކަންވެސް ހުސައިން ފަޔާޒު ހޯދައިފިއެވެ.
ފަޔާޒް ޗެމްޕިއަންކަން ހޯދީ ފައިނަލްގައި އިސްމާއީލް ޖީހާންގެ މައްޗަށް ކުރިހޯދައިގެންނެވެ. ފަޔާޒު ފައިނަލް މެޗު ކާމިޔާބުކުރީ 9-5 ފްރޭމުންނެވެ. މިއަހަރުގެ 10 ބޯލް ޗެމްޕިއަންޝިޕްގެ ފައިނަލްގައި ފަޔާޒު ބަލިވިއެވެ. ސެޕްޓެމްބަރު މަހު އޮތް އެމުބާރާތް، ފަޔާޒު ބަލިކޮށް ކާމިޔާބުކުރީ މުހައްމަދު ޝަރީފްއެވެ. އެކަމަކު މިދިޔަ އަހަރުގެ ގައުމީ ޗެމްޕިއަނަކީ ފަޔާޒުއެވެ. މިއަހަރުގެ މުބާރާތުގައި 88 ކުޅުންތެރިން ވާދަކުރިއެވެ.
މުބާރާތް ކުރިއަށް ގެންދިޔައީ މިމަހުގެ 12-17އަށެވެ. މިއަހަރުގެ ގައުމީ މުބާރާތް އޮންނާނީ އޮކްޓޯބަރު މަހުއެވެ.
